Aaj Ka Intikhaab............!!

[Kavi]

تم نے آواز ہی کب دی تھی وگرنہ ہم تو
کب سے اِس آس میں گُم ہیں کہ پُکارے جائیں​

 

[Kavi]

عُمر ترتیب سے نہیں گُزری
ٹھیک ملنے کے وقت بِچھڑے ہم​

 

[Kavi]

زندگی پھول ہے، خوشبو ہے، مگر یاد رہے
زندگی گردشِ حالات بھی ہو سکتی ہے​

 

[Kavi]

اب تو سوکھے ہوئے پتے ہی نظر آتے ہیں
میرے آنگن میں بہت کچھ تھا بہاروں جیسا​

 

[Kavi]

جابجا دل کو لگانے سے کہاں بھولے گا
ہم کو وہ شخص بھلانے سے کہاں بھولے گا
ہاں کئی روز سے وہ یاد نہیں آیا مگر
وہ فقط یاد نہ آنے سے کہاں بھولے گا​

 

[Kavi]

اِس شِدّتِ فِراق سے آتے ہو یاد تم
جیسے کِسی ضعیف کو بچپن کے چار دن​

 

[Kavi]

ہم نے مانا کہ ہم اوروں سے الگ تھے لیکن
زرد اتنے تو نہیں تھے کہ گراۓ جاتے
​

 

[Kavi]

یہ بھی خوابوں کی مِہربانی ہے
جانے والے دِکھائی دیتے ہیں
​

 

[Kavi]

ہماری لغزشیں کرتی ھیں ان کی پرورش ورنہ
یہ وقتی گردشیں ہیں یہ یونہی برپا نہیں ہوتیں
عجب سا حوصلہ ہوتا ھے امواجِ تلاطم میں
مُسلسل سر پٹختی ہیں مگر پسپا نہیں ھوتیں​

 

[Kavi]

نام ہونٹوں پہ تِرا آئے تو راحت سی مِلے
تُو تسلی ہے دِلاسہ ہے دُعا ہے کیا ہے ؟​

 

[Kavi]

جس قدر سرد اُسکا لہجہ تھا
ہوُ بَہُو آج ویسا موسم ہے​

 

[Kavi]

تجھے کھو کر ہی تو یہ عہد کیا ہے خود سے
اب کسی شخص کی عادت نہیں ہونے دینی​

 

[Kavi]

آئی نہ تھی کبھی میرے لفظوں میں روشنی
اور مجھ سے یہ کمال تجھے دیکھ کر ہوا
پھر لوگ آ گئے میرا ماضی کریدنے
پھر مجھ سے ایک سوال تجھے دیکھ کر ہوا​

 

[Kavi]

دل گُریزاں تھا جس محبّت سے
آج کل دھڑکنوں میں رقصاں ہے​

 

[Kavi]

تلخ گوئی سے ہماری تُو پریشان نہ ہو
ہم ہیں دنیا کے مصائب کے ستائے ہوئے لوگ
تجھ کو اے شخص کبھی زیست کی تنہائی میں
یاد آئیں گے ہم عجلت میں گنوائے ہوئے لوگ ​

 

[Kavi]

زندگی اتنی مشقت سے گزاری ہے کے اب
میں جو آرام سے بیٹھو تو تھکن ہوتی ہے​

 

[Kavi]

ہم کسی پیڑ کے سوکھے ہوئے پتے ہیں جنہیں
عادتاً لوگ جو گزریں تو گِرا دیتے ہیں​

 

[Kavi]

میں تو جلتے ہوئے صحراؤں کا اِک پتھر تھا
تم تو دریا تھے، مِری پیاس بُجھاتے جاتے
مُجھ کو رونے کا سلیقہ بھی نہیں ہے شاید
لوگ ہنستے ہیں مُجھے دیکھ کے آتے جاتے​

 

[Kavi]

میں نے پڑھ پڑھ کے تِری یاد کے منتر پُھونکے
پھر کہیں جا کے شبِ ہجر کا جادُو ٹُوٹا​

 

[Kavi]

مٹی کا بنا ہے تو گُھل کیوں نہیں جاتا؟
پتھر کا اگر ہے تو پھر اِنسان سا کیوں ہے؟​