امام الحق ورلڈ کپ میں اپنی کارکردگی سے بری طرح مایوس

intelligent086

Super Star
Nov 10, 2010
9,195
9,309
1,313
Lahore,Pakistan
امام الحق ورلڈ کپ میں اپنی کارکردگی سے بری طرح مایوس



میگا ایونٹ کے دوران خود سے وابستہ توقعات بھی پوری نہیں کرسکا،اوپننگ بیٹسمین
لندن(رپورٹ:طارق حسین)قومی کرکٹ ٹیم کے افتتاحی بیٹسمین امام الحق ورلڈ کپ میں اپنی کارکردگی سے بری طرح مایوس ہیں جن کا کہنا ہے کہ وہ میگا ایونٹ کے دوران خود سے وابستہ توقعات بھی پوری نہیں کر سکے ۔لارڈز کرکٹ گراؤنڈ پر میڈیا سے گفتگو میں امام الحق کا کہنا تھا کہ انہوں نے کئی بار اچھا اسٹارٹ لیا لیکن بڑی اننگز نہیں کھیل سکے جس کی وجہ ان کی کم عمری بھی ہے تاہم انہوں نے ورلڈ کپ میں کافی کچھ سیکھا ہے اور اپنی ناکامیوں سے سبق لیتے ہوئے وہ مضبوط کم بیک کریں گے ۔عالمی کپ کی سات اننگز میں 205 رنز بنانے والے 23 سالہ بیٹسمین کا کہنا تھا کہ ان کیلئے اپنی غلطیوں سے سیکھنا مددگار ثابت ہوگا اور بنگلہ دیش کیخلاف میچ میں پاکستان کا سیمی فائنل میں پہنچنے کا حقیقی چانس نہ ہوا تب بھی وہ اپنی بھرپور کارکردگی کا مظاہرہ کریں گے ۔امام الحق کا کہنا تھا کہ مشکل صورتحال کے باوجود پاکستانی کیمپ میں کوئی افراتفری نہیں کیونکہ کسی کی بھی یہ سوچ نہیں کہ سیمی فائنل میں رسائی ناممکن ہے بلکہ اس مرحلے تک پہنچنے کیلئے پوری کوشش کی جائے گی اور اگر ایسا نہ ہو سکا تو پھر مثبت کھیل کے ساتھ ایونٹ کا عمدگی سے خاتمہ کرنے کی کوشش کریں گے ۔انہوں نے آسٹریلیا کیخلاف ناکامی کو سب سے زیادہ دردناک قرار دیتے ہوئے کہا کہ وہ اس میچ میں عمدگی سے کھیل رہے تھے اور پاکستان کو کامیابی مل سکتی تھی لیکن چار وکٹیں جلد گنوانے کے باعث ایسا نہیں ہو سکا اور ایک بڑی ٹیم کو شکست نہ دی جا سکی۔امام الحق نے تسلیم کیا کہ قومی ٹیم میں ڈیڑھ سے دو سالہ عرصے میں وہ جب بھی سیٹ ہوئے انہوں نے بڑی اننگز بھی کھیلیں لیکن ورلڈ کپ میں غلط شاٹس یا دباؤ کے سبب تیس یا چالیس رنز سے آگے جانے میں ناکام رہے اور بعض اوقات مخصوص ہندسوں سے باہر نکلنے کی کوشش میں مزید غلطیاں ہوتی رہیں۔ورلڈ کپ میں سنچری کے حصول میں ناکامی پر افسوس کا اظہار کرتے ہوئے بائیں ہاتھ کے بیٹسمین کا کہنا تھا کہ ٹیم ان سے بہت زیادہ توقع کرتی ہے کیونکہ اوپننگ اسٹینڈ کسی بھی کامیابی میں اہم کردار ادا کرتا ہے اور انہیں یہ بات سمجھ میں آ گئی ہے کہ دباؤ کو قابو کئے بغیر بڑا کرکٹر بننا ممکن نہیں ہوگا۔


 
  • Like
Reactions: maria_1
Top
Forgot your password?