اپنا گراں ہووے
تُوتاں دی چھاں ہووے
وانے دی منجھی ہووے
سر تلے بانھ ہووے
ہتھ وِچ بٹیرا رکھاں
شملہ اُچیرا رکھاں
حجرے تے ڈیرا رکھاں
سَنگتاں اِچ ناں ہووے
اپنا گراں ہووے
تُوتاں دی چھاں ہووے
وانے دی منجھی ہووے
سر تلے بانھ ہووے
چِلماں دے سوٹے لاواں
کافیاں تے دوھڑے گاواں
تیرے بُوھے تے آواں
تے نکی جئی ہاں ہووے
اپنا گراں ہووے
تُوتاں دی چھاں ہووے
وانے دی منجھی ہووے
سر تلے بانھ ہووے
جتنے دیہاڑے جِیواں
خوشیاں دا ساتھی تھیواں
لسیاں تے دُدھ پیواں
کِلے اُتے گاں ہووے
اپنا گراں ہووے
تُوتاں دی چھاں ہووے
وانے دی منجھی ہووے
سر تلے بانھ ہووے
ہتھاں دی لکیراں ویکھاں
نالے تقدیراں ویکھاں
رانجھے تے ہیراں ویکھاں
وگدا چناں ہووے
اپنا گراں ہووے
تُوتاں دی چھاں ہووے
وانے دی منجھی ہووے
سر تلے بانھ ہووے
بُھجے ہوئے بٹیرے کھاواں
جدوں وی ڈیرے جاواں
پیڑے تے برفی کھاواں
چَنگی جئی سراں ہووے
اپنا گراں ہووے
تُوتاں دی چھاں ہووے
وانے دی منجھی ہووے
سر تلے بانھ ہووے
