سرائیکی شاعر

  • Work-from-home

Dark

Darknes will Fall
VIP
Jun 21, 2007
28,885
12,579
1,313
دل منگ پووی تاں لنگھ آوویں ، میڈے گھر دا سوکھا راہ اے
ہاں واسی ڈکھ دے صوبے دا، ضلع غم، تحصیل جفا اے
ہِک میل فراق دے موضعے توں، واہندا ہنجوواں دا دریا اے
جڈاں شاکرؔ پرھلی منڑ ٹپسیں، اگوں سامنے میڈی جا اے
کل خاب ڈٹھم جو مر گیا ہاں ، جگ سوگ منیندا رہ گئے
کوئی تیار میڈے جنازے دا، اعلان کریندا رہ گئے
چن آروں ویاروں ٹُر تاں پئے، او قدم گِھلیندا رہ گئے
گئے غیر جنازہ چا شاکرؔ، اور پیر دھوویندا رہ گئے
بے وزنے ہیں تیڈی مرضی ہے، بھانویں پا وچ پا بھانویں سیر اچ پا
پا چن دی چِٹی چاندنی وچ، بھانویں رات دے سخت ہنیر اچ پا
پا کہیں دشمن دی فوتگی تے، یا جُھمر دے کہیں پھیر اچ پا
راہ رُلدے شاکرؔ کنگن ہیں، بھانویں ہتھ وچ پا، بھانویں پیر اچ پا
تیکوں یاد ہوسی میں آکھیا ہم، دلدار مِٹھا تو چھوڑ ویسیں
ول ول قرآن تے ہتھ نہ رکھ،نہ قسماں چا تو چھوڑ ویسیں
کُجھ سوچ سمجھ کے فیصلہ کر، نہ جوش دکھا تو چھوڑ ویسیں
کر شاکرؔکوں برباد سجن، بس لوک ِکھلا تو چھوڑ ویسیں
 

Dark

Darknes will Fall
VIP
Jun 21, 2007
28,885
12,579
1,313
میڈی سوچ تے پانڑی پھیر سجن ڈتو کھیڈونجا میڈا کیا رہ گئے
میڈا امن سکون آرام خوشی، کیتوں لونڑ سوا میڈا کیا رہ گئے
کر ختم جوانی شاکر دی ،ڈتو کمر نوا میڈا کیا رہ گئے
میڈے شکوے تے اعتبار نہ کر چلو آپ ڈسا میڈا کیا رہ گئے
 

Dark

Darknes will Fall
VIP
Jun 21, 2007
28,885
12,579
1,313
ہک تیر لگا وچ سینے دے کئیں خبر نہ ہئی جو کئیں مارئیے
میڈے سنگتاں آکھیا پکڑ گھنو اوں ظالم کوں ایہ جیں مارئیے
میڈے سامنڑے غیر جو گزرے ہن میں آکھے یار انہیں ماریئے
اُتوں چن شاکر دا پہنچ گیا، فخریج تے آہدے میں ماریئے
 

Dark

Darknes will Fall
VIP
Jun 21, 2007
28,885
12,579
1,313
تیڈا روونڑ کوڑ دا روونڑ ھِی ، جاں روونڑ جوگا حال نوی
تیڈے زور جتی تیکوں بار ڈتم ڈٹھا درددا گڑو حال نوی
جینکوں جو ڈیواں زلے وارتاں نئیں میڈی قدرت دا بھئیوال نوی
میڈا شکو ہ ہوش سنبھال تے کر توں شاکر ہیں اقبال نوی
 

Dark

Darknes will Fall
VIP
Jun 21, 2007
28,885
12,579
1,313
کُجھ عرصہ اندھے چور وانگوں اونکوں پیار کریندے رہ گئے ہیں
کئی سال ولا اظہار کیتے ، الفاظ گولیندے رہ گئے ہیں
ول موقع محل دی تاڑ دے وچ، کُجھ وقت ونجیندے رہ گئے ہیں
سِوی شاکرؔ کھٹ کوں چٹ گئی ہے اساں وانڑ وٹیندے رہ گئے ہیں
 

Dark

Darknes will Fall
VIP
Jun 21, 2007
28,885
12,579
1,313
ونج قاصد یار دے بوہے کوں کھڑکاویں ہولے ہولے
متاں نندر ہووے میڈے دلبرکوں جگواویں ہولے ہولے
جڈاں نندروں یار سجاک تھیوے، الواویں ہولے ہولے
پچھے حال حویلہ شاکر دا سنڑواویں ہولے ہولے
 

Dark

Darknes will Fall
VIP
Jun 21, 2007
28,885
12,579
1,313
سجن تھی گئے قاصد خفا ہولے ہولے
توں ونج کہیں طرحاں آ منا ہولے ہولے
گیوں کیویں قاصد ولیں کیہڑے حالوں
میرے نیڑے آ بہہ ڈسا ہولے ہولے​
تیرا رخ دسیندا اے خبر بھیڑی جا آیا ایں
سُنا تاں سہی‌ پر سُنا ہولے ہولے​
زمانہ جو آہدا اے وفا نہ کریسیا
توں کنوں تاں چن دے کڈھا ہولے ہولے​
توں آویں نہ آویں دلاسا تاں دے چا
اس دل کوں میں گھنساں رَہا ہولے ہولے​
خبر دل کوں ہووے نہ تیرے ونجن دی
کھسک ونج توں ڈھولا ذرا ہولے ہولے​
کرو بھج دھرک تے مسلمانو پکڑو
جو منہ کیتی ویندی حیا ہولے ہولے​
ہٹک ڈے اس دل کو نہ جا جا تے تلکے
ادب عشق دا کُجھ سکھا ہولے ہولے​
اثر ہے دعا دا جو دکھ ٹل گئے شاکر
کرم کیتی آندا اے خدا ہولے ہولے​
 

Dark

Darknes will Fall
VIP
Jun 21, 2007
28,885
12,579
1,313
فکر دا سجھ ابھردا ہئے سوچیندیاں شام تھی ویندی
خیالیں وچ سکون اجکل گولیندیاں شام تھی ویندی
انھاں دے بال ساری رات روندین، بُھک توں سُمدے نئی
جنھاں دی کہیں دے بالاں کوں کھڈیندیاں شام تھی ویندی
غریباں دی دعا یارب خبر نہیں کن کریندا ہیں
سدا ہنجوؤاں دی تسبیح کُوں پھریندیاں شام تھی ویندی
کڈھیں تاں دُکھ وی ٹل ویسن کڈھیں تاں سکھ دے ساہ ولسن
پُلا خالی خیالاں دے پکیندیاں شام تھی ویندی
میڈا رازق رعایت کر نمازاں رات دیاں کردے
جو روٹی رات دی پوری کریندیاں شام تھی ویندی
میں شاکر بُھک دا ماریا ہاں مگر حاتم تُوں گھٹ کائینی
قلم خیرات میڈی ہے چلیندیاں شام تھی ویندی
 

Dark

Darknes will Fall
VIP
Jun 21, 2007
28,885
12,579
1,313
ایویں گالھ چوں گالھ جو چل پئی اے میں بول پئیاں میکوں معافی ڈے
جہڑیاں لائیاں تیں پابندیاں ہِن، نئیں یاد رہئیاں میکوں معافی ڈے
نہیں روک سکیا انہاں ہنجواں کو بس چھوڑ میاں میکوں معافی ڈے
تیڈے ظلم جفا دا چن شاکر! بے ادب تھیئاں میکوں معافی ڈے
 

Dark

Darknes will Fall
VIP
Jun 21, 2007
28,885
12,579
1,313
میݙا پیر فرید اڄ پھُل لِکھ ݙے ، ݙینہہ لہݨتوں پہلے ول آوے
میں اکھیاں نوُٹ کے ٻہندی ہاں میݙے ٻہݨ تو پہلے ول آوے
ݙر لڳدے بھانڑیں بِھک تے ہن ، بِھک ڈھہݨ توں پہلے ول آوے
متاں طارقؔ جٹیاں ݙیکھ گھنن ، ہنج وہݨ توں پہلے ول آوے
 
Top