Aaj Ka Intikhaab............!!

[Kavi]

میں نے اک شخص کی باتوں سے ہیں اشعار چُنے
میں نے اک شخص کے ہنسنے سے سُخن سیکھا ہے​

 

[Kavi]

ہے اِن کی چشمِ توجہ میں روشنی ایسی
کہ جیسے اِس میں ستارے قیام کرتے ہیں​

 

[Kavi]

ہماری نیند پوری ہے نا خواب پورے ہیں
ادھورے لوگ ہیں مگر عذاب پورے ہیں
​

 

[Kavi]

ہم تو موسم کا تغیر بھی نہیں سہہ پاتے
آپ لہجے کو بدلتے ہوٸےسوچا تو کریں​

 

[Kavi]

رابطہ بھی نہیں رکھتا ہے سرِ وصل کوئی
اور تعلق بھی مُعطل نہیں ہونے دیتا
دل یہ کہتا ہے اُسے لوٹ کے آنا ہے یہیں
یہ دِلاسہ مُجھے پاگل نہیں ہونے دیتا​

 

[Kavi]

یہ مرحلے بھی مُحبت کے باب میں آئے
خلوص چاہا تو پتھر جواب میں آئے
ہزار ضبط کروں، لاکھ دل کو بِہلاؤں
مگر وہ شکل جو ہر روز خواب میں آئے​

 

[Kavi]

تم وہ پتھر ہے جسے چُوم رہی ہے دنیا
ہم وہ کنکر ہیں جو اِبلیس کو جا لگتے ہیں​

 

[Kavi]

عاشق ہزار لوگ ہیں اُس بے نیاز کے
میں بھی اُمیدوار ہوں پر مُنتخب نہیں​

 

[Kavi]

اچھا تو پھر بتائیے کیسا رہا سفر
ٹوٹی کہاں پہ جوتیاں، چھالے کہاں پڑے ؟
کس موڑ پر جناب کی ہمت نے دم دیا!
صاحب کو اپنی جان کے لالے کہاں پڑے ؟

​

 

[Kavi]

وہ اِتفاق سے مِل جائے راستے میں کہیں
مُجھے یہ شوق مُسلسل سفر میں رہتا ہے​

 

[Kavi]

جس تسَلسُل سے جل رہا ھے دل
عین مُمکن ھے راکھ ہو جائے۔.۔
​

 

[Kavi]

ہم جو انسانوں کی تہذیب لیئے پھرتے ہیں
ہم سا وحشی کوئی جنگل کے درندوں میں نہیں
​

 

[Kavi]

تنہائیوں کے رنج سے پہلے ہی چُور ہوں
پھر گدگدی سی کرتی ہیں بے چینیاں مجھے
اس خوف سے میں لوٹ کے گاؤں نہیں گیا
آواز دے کے روکیں گی ویرانیاں مجھے​

 

[Kavi]

تُمہیں مِل کر مُحبّت کے نئے مفہُوم کُھلتے ہیں
اُداسی مُسکُراتی ہے ، خاموشی بات کرتی ہے​

 

[Kavi]

اِتنا بھی نہ ہو صحن کہ در تک میں پہنچ کر
در کھولوں تو درویشِ دُعا گو ہی چلا جائے​

 

[Kavi]

تم کو دِقت ہے میرا ساتھ نبھانے پہ اگر
تم میرا درد نہیں، اپنی سہولت دیکھو

​

 

[Kavi]

ہوش کا کتنا تناُسب ہو بتا دے مُجھ کو
اور اس عشق میں درکار ہے وحشت کتنی
دیکھ یہ ہاتھ میرا اور بتا دست شناس
رزق کتنا ہے مُقدر میں اور مُحبت کتنی​

 

[Kavi]

اِک غزل میر کی پڑھتا ہے پڑوسی میرا
اِک نمی سی میری دیوار میں آ جاتی ہے​

 

[Kavi]

مُجھ کو تکلیف میں دو گھونٹ پلا کر پانی
اُس نے پھر میرے تڑپنے کا تماشا دیکھا​

 

[Kavi]

یوں تو پہلے بھی کئی بار ستم ٹوٹے ہیں
لیکن اِس بار جو ٹوٹے ہیں تو ہم ٹوٹے ہیں​