ویہلا بابا
اللہ! توبہ کر لینا واں
گھر دا پانی بھر لینا واں
پوتیاں پوتے پَھڑ لینا واں
اونہاں نوں وِی سَون دا کہناں
بُوہے اَگے جھاڑو دینا
تھک ٹُٹ کے لَماں پیناں
اونج میں گھر وِچ ویہلا ای رہنا
پڑھ کے جدوں نماز میں آؤناں
پوتیاں پوتے انگلی لاؤناں
کھیڈن وِچ گرؤنڈ لےجاناں
کھیڈ کھیڈ کے تھک جاندے نیں
فیر او مینو اے آہندے نیں
بابا جی! ہُن گھر نُوں جائیے
گھر چل کے روٹی کھائیے
پکھ نال جاندے چڑھ نے پوں
گھر آؤندیاں نُوں چھوٹی نُوں
او آئے میرے ابا جی
اُڈیکن ڈئی سی تواڈی دِھی
اللہ تواڈی عمر وَدھائے
تُوانوں تَتی ہوا نہ لائے
ساڈا وی اِک کم کر آؤ
شہروں جا کے رنگ لیاؤ
لے کے رنگ تے چھیتی آنا
روٹی بھاویں آن کے کھانا
جا کے شہر میں پے گیا پلی
رنگ والی دکان نئیں کھلی
ہٹی والے لائی سی چابی
منگیا اوتوں رنگ غلابی
لے کے رنگ میں گھر نُوں آیا
پیر نئیں ہالے بُوہے پایا
ویکھ کے آہندی میری بڈھی
کتھوں آیاں جانو دل دا
جنہوں فکر ذرا نئیں بل دا
مینوں ناں کوئی گل سنانا
بل دا "یب" مکا کے آنا
فیر توانوں کوئی کم نئیں کہنا
بے شک تاش تے بیٹھے رہنا
ٹُر گیا میں پُکھا پانا
ہُن نئیں گھر نُوں واپس آنا
بیٹھ گیا ویکھ کے بینک دی تھمی
لین سی وا وا لگی لمی
بڈھیاں وی سی اوتھے آئیاں
کئیاں نے خُوشبوواں لائیاں
میں وی کوئی ہان دی ویکھاں
جیہڑی ہووے مینوں جاندی ویکھاں
آخر اِک نے آن کہوایا
بل نئیں جمع کرایا تایا؟
بل نال پیسے اورے پھڑاؤ
تُسی بھاویں ہُن گھر نُوں جاؤ
شالا دِھیے خُوشیاں پاویں
ڈولی پے کے سورے جاویں
گودی دے وِچ پُت کھڈاویں
اللہ تیرا جِیوے ہانی
لے کے میں رسید ہے جانی
دے کے بل میں گھر نُوں آیا
وَڈی نُوں نے ایہہ فرمایا
ابا! تینوں ویکھ کھلوتی
آئی سکولوں نئیوں پوتی
چھیتی نال سکولے جاؤ
پوتی لے کے گھر نُوں آؤ
لے کے پوتی گھرنُوں آیا
ماں نے گَل چوں بستہ لایا
چُمیا، چَٹیا، سینے لایا
برگر اودھے ہتھ پھڑایا
مینوں کسے نیں کاہ نئیں پایا
ویڑھے وِچ سی منجی ڈٹھی
چادر اتوں کیتی کٹھی
منجی دے نال لک جو لایا
پاسے مار تھکیواں لایا
سارے آ کے ایہو اِی کہین
جاناں نئی جے ہانڈی لین؟
بڈھی میری لاگے آئی
کھچ کے بانہہ میں کول بٹھائی
او سانوں وی گل سنان دے
نا کر ایداں جان دے
گھر نُوہاں پُتر ہان دے
تیرے چالے ہین چِھتّر کھان دے
او کھوتے وانگوں زلفی وایا
کسی نئیں چاہ دا کپ پیایا
او روٹی دے دو تہانوں کہنا
منیا گھر وِچ ویہلا ای رہنا