کون گزرا ہے مہک بن کے دیارِ دل سے

  • Work-from-home

ROHAAN

TM Star
Aug 14, 2016
1,795
929
613



کون گزرا ہے مہک بن کے دیارِ دل سے


رشکِ مہتاب جہاں تاب تھا ہر قریہُ جاں
جب بھی دل پر چمک اٹھے ترے قدموں کے نشاں

کون گزرا ہے مہک بن کے دیارِ دل سے
اتنی گل پوش تھیں کب شہرِ طب کی گلیاں

تیری تصویر کے پر تو نہیں مٹنے پاتے
ایک مدت سے ہے دل کار گہہِ شیشہ گراں

آج اس موڑ پہ ہے شہرِ تمنا آباد---!!!
ترا دامن نگہِ شوق نے چوما تھا جہاں

میں ترے درد کی کلفت کو کہاں لے آیا
میرے ہمراہ دھڑکتا ہے دلِ کون و مکاں

اتنی مدھم تو نہیں ہے مری فریاد کی لے
ان سلاسل کی صدا گونجے گی زنداں زنداں

وقت آئے گا کہ دہرائیں گے خود اہلِ جفا
میں نے جو گیت سنائے ہیں سرِ نوکِ سناں

موج در موج ابھرتے ہیں تمنا کے سراب
میری تشنہ دہنی میں ہیں سمندر پنہاں

میں وہ اشکوں کا بھکاری ہوں سرِ راہِ وفا
جس کہ ٹھوکر میں رہا مرحلہُ سود و زیاں

میں وہ سودائی گل ہوں کہ مری آنکھوں نے
سینہُ غار میں دیکھی ہیں مچلتی کلیاں

غم کے لمحوں کا تعین کبھی سوچا تو نسیم
ایک اک پل سے مجھے جھانک رہی تھیں صدیاں
 
Top