ہے دعا یاد مگر حرفِ دعا یاد نہیں

[princeofdhump]

ہے دعا یاد مگر حرفِ دعا یاد نہیں
میرے نغمات کو اندازِ دعا یاد نہیں



ہم نے جن کے لئیے راہوں میں بچھایا تھا لہو
ہم سے کہتے ہیں وہی، عہدِ وفا یاد نہیں



زندگی جبرِ مسلسل کی طرح کاٹی ہے
جانے کس جرم کی پائی ہے سزا، یاد نہیں


میں نے پلکوں سے درِ یار پہ دستک دی ہے
میں وہ سائل ہوں جسے کوئی صدا یاد نہیں


کیسے بھر آئیں سرِ شام کسی کی آنکھیں
کیسے تھرائی چراغوں کی ضیاء یاد نہیں


صرف دھندلاتے ستارے کی چمک دیکھی ہے

کب ہوا، کون ہوا، مجھ سے جدا، یاد نہیں



آؤ اک سجدہ کریں عالمِ مدہوشی میں

لوگ کہتے ہیں کہ ساغر کو خدا یاد نہیں





۔۔۔ ساغر صدیقی ۔۔​

 

[Dark]

{(gjob)}{Nice post Tm}

 

[princeofdhump]

یہ مجھے سب سے اچھی لگی

شکریہ۔
​

 

[dream girl]

lovely n awesome sharing

thanx n keep sharing

 

[nrbhayo]

umda...