Bicharna Kaisa Hota Hai

  • Work-from-home

ROHAAN

TM Star
Aug 14, 2016
1,795
929
613
7de5d-2.jpg


بچھڑنا کیسا ہوتا ہے

بڑے معصوم ساتھی نے
بڑے معصوم لہجے میں
یہ آج مجھ سے پوچھا ہے

بچھڑنا کیسا ہوتا ہے؟
جدائی کس کو کہتے ہیں؟
بچھڑ کر جینے والے لوگ
زندہ کیسے رہتے ہیں؟
جو درد حد سے بڑھ جائیں
اُنہیں ہم کیسے سہتے ہیں؟
کہ غم کے مارے ہوئے لوگ
کیوں خاموش رہتے ہیں؟

میں اس کی ساری باتوں پر
فقط اتنا ہی کہہ پایا
جو دل میں درد رکھتے ہیں
گھڑی بھر وہ نہیں سوتے
اکیلے میں سسکتے ہیں
بظاہر وہ نہیں روتے
برابر سانس تو لیتے ہیں
مگر زندہ نہیں ہوتے

یہ سن کر دھیمے لہجے میں
اسی معصوم ساتھی نے
یہ وقتِ آخر کہہ ڈالا

چلو اس دنیا کی ہر اک
روایت توڑ دیتے ہیں
محبت میں کیا رکھا ہے
محبت چھوڑ دیتے ہیں
 
  • Like
Reactions: minaahil
Top