A Huge Collection Of Ashars

[dream girl]

kis ne hayaa se niichii nazar kii ki ho gayaa
aasaan na dekhanaa mujhse dushvaar dekhanaa

[Muhammad Zaki]​

 

[dream girl]

hayaa ne rok liyaa jazb-e-dil ne khainch liya
chale vo teir ki suurat khinche kamaan ki tarah

[Daag Dehlvi]​

 

[dream girl]

Aie mauj-e-balaa de unko bhi do char thapeDe halke se
kuch log abhi tak saahil se tufaN ka nazaara karten haiN​

 

[dream girl]

Aie dekhane waaloN mujhe haNs ke na dekho
tum ko bhi mohabbat kahiN mujh sa na bana de
aakhir koi surat bhi to ho khaana-e-dil ki
kaaba nahi banta hai to but-khaana bana de​

 

[dream girl]

Bahut mushkil hai duniya ka saNwaarna
teri zulf ke pech-o-kham nahi hai​

 

[dream girl]

Bas ek qadam paDa tha ghalat raah-e-shauq mein
manzileiN tamaam umar hameN DhuNDti rahi​

 

[dream girl]

BaT jaayeNgi kirchiyaaN bhi tere wujud ki
mujh ka na ToD dekh, tera aaina huN maiN​

 

[dream girl]

Baat agar zarf ki hai to yuN kar lo
tum jeet jaao, haar mere naam kar lo​

 

[dream girl]

;Badi umeed thi kaar-e-jahaaN mein dil se magar
use teri talab me kharaab hona tha​

 

[dream girl]

Bas ek tu that jise raayegaaN kiya maiN ne
aur ek ishq tha jo be-panaah mujh se hua​

 

[dream girl]

Daur-e-jadeed me jise chaaho kharid lo
insaan ne apne aap ko kitna gira diya​

 

[dream girl]

Gham bhi guzishtani hai, khushi bhi guzishtani
kar gham ko ikhtiyaar keh jaaye to gham na ho​

 

[dream girl]

Gur zindagi ke seekheN haNsti hui kali se
lab pe hai muskurahat, dil khooN ho raha hai​

 

[dream girl]

Gar'd ki tahoN mein rehne do ise aaluda
zindagi aaina dekhegi to dar jayegi​

 

[dream girl]

Gaye gulistaaN meiN hum bhi baarha lekin
kabhi bahaar se pehle, kabhi bahaar ke baad​

 

[dream girl]

Gira ke aaNkh se mujh ko zamaana bhool gaya
ek ashk tha maiN zamaane ki chashm-e-tar ke liye​

 

[dream girl]

GhamoN ki fasal hamesha rahi tar-o-taza
yeh woh khizaaN hai keh sharminda-e-bahar nahi​

 

[dream girl]

Gham-e-hayaat ki shiddat kuch aisi kam na thi
maiN sochta huN keh phir aap yaad aaye kyuN​

 

[dream girl]

Gaafil na tujh se aie gham-e-uqba the ham magar
daam-e-gham-e-jahaaN se rihaai na ho saki ​

 

[dream girl]

Hansne ki aarzu mein aansun nikal pade hain
aur kya sunaaen afsaana zindagi ka ​