Bhale Dino Ki Baat Hai..

[Jahil]

Bhale Dino Ki Baat Hai
Bhali Si Ek Shakl Thi
Yeh Na Ke Husn e Taam Ho
Na Dekhne Main Aam Si

Na Yeh Ke Woh ChaleTo
KehKushan Si RehGuzar Lage
Magar Woh Saath Ho To Phir
Bhala Bhala Sa Safar Lage

Na Aisi Khush Libaasiyan
Ke Saadgi Gila Kare
Na Aisi Be Takalufiyan
Ke Ayena Haya Kare

Na Ashiqi Junon Ki
Ke Zindagi Azaab Ho
Na Is Qadar Kathor Pan
Ke Dosti Kharab HO

Koi Bhi Rut Ho Uski Chub
Fiza Ka Rang O Roop Thi
Woh Garmiyon Ki Chaon Thi
Woh Sardiyon Ki Dhoop Thi

Na Umer Bhar Juda Rahe
Na Saath Subh O Shaam Ho
Na Waada e Wafa Pe Zor
Na Yeh Ke Izn e Aam Ho

Na Ikhtilaat Main Woh Ramm
Ke Be Maza Ho Khuwahishen
Na Is Qadar Supardagi
Ke Zich Karen Nawazishen

Kabhi To Baat Bhi Kaafi
Kabhi Sukuut Bhi Shukan
Kabhi To Kasht e Zaafran
Kabhi Udaasiyon Ka Bain

Suna Hai Ek Umer Hai
Muamlaat e Dil Ki Bhi
Visaal e JaanFiza To Kya
Firaq e JaanGusal Ki Bhi

So Ek Roz Kya Hoa
Wafa Pe Baat Chir Gayii
Main Ishq Ko Amar Kahun
Woh Meri Zid Se Chirh Gayii

Main Ishq Ka Aseer Tha
Woh Ishq Ko Qafs Kahe
Ke Umer Bhar Ke Saath Ko
WOh Bad Ter Az Hawas Kahe

Shajar,Hajar Nahi Ke Hum
Hamesha Pa Ba Gil Rahen
Na Dhaur Hain Ke Rassiyan
Gale Main Mustaqil Rahen

Muhabbaton Ki Was'aten
Hamare Dast o Paa Main Hain
Ke Ek Dar Se Nisbaten
Sagaan e Wafa Main Hain

Main Koi Painting Nahi
Ke Ek Frem Main Rahun
Wohi Jo Man Ka Meet Ho
Ussi Ke Prem Main Rahun

Tumhari Sooch Jo Bhi Ho
Main Us Mizaaj Ki Nahi
Mujhe Wafa Se Bair Hai
Yeh Baat Aaj Ki Nahi

Na Usko Mujh Pe Maan Tha
Na Mujh Ko Us Pe Za'am Tha
Jab Ehed Hi Koi Na Ho
To Kya Gham e Shikastagi

So Apna Apna Raasta
Hansi Khushi Badal Diya
Woh Apni Raah Pe Chal Pari
Main Apni Raah Pe Chal Diya

Bhali Si Ek Shakl Thi
Bhali Si Uski Dosti
Ab Uski Yaad Raat Din
Nahi....Magar Kabhi Kabhi!!​

 

[Sahil Rehan]

realy gud sharing

 

[mashraki.larka]

{(dancing)}Awesome Fahadi .. Khubsurat intekhab ..

 

[-Mahi-]

{(dancing)}Awesome Fahadi .. Khubsurat intekhab ..

ACHAAA

 

[Zee Leo]

hmmm nice

 

[HuriYa]

AwesOme pOetry..!

Like it since my ChildhOod..! lolzzzz.