BichhaR ke mujh se kabhi tu ne yeh bhi sochaa hai
Adhuuraa chaand bhi kitnaa udaas lagtaa hai
Ye lamhaa vasl kaa hai isko raayegaaN na samajh
K is ke baad vahii duuriyoN kaa sahraa hai
Kuchh aur der na jhaRtaa udaasiyoN kaa shajar
Kise Khabar tere saaye meN kaun baiThaa hai
Ye rakh-rakhaao muhabbat sikhaa gayii us ko
Vo ruuth kar bhi mujhe muskuraa ke miltaa hai
MaiN kis tarah tujhe dekhuun nazar jhijhakti hai
Teraa badan hai K yeh aaiinoN kaa dariyaa hai