Dil-o-dimaaG ko ro luNgaa aah kar luNgaa
Tumhaara ishq main sab kuchh tabaah kar luNgaa
Tumhaara ishq main sab kuchh tabaah kar luNgaa
Agar mujhay na miliin tum tumhaaray sar kii qasam
Main apanii saarii javaanii tabaah kar luNgaa
Main apanii saarii javaanii tabaah kar luNgaa
Mujhay jo dair-o-haram main kahiin jagah na milii
Teray Khayaal hii ko sajdaagaah kar luNgaa
Teray Khayaal hii ko sajdaagaah kar luNgaa
Jo tum say kar diyaa maharuum aasmaaN nay mujhay
Main apanii zindagii sarf-e-gunaah kar luNgaa
Main apanii zindagii sarf-e-gunaah kar luNgaa
Raqiib say bhii miluuNgaa tumhaaray hukm pay main
Jo ab talak na kiyaa thaa ab aah kar luNgaa
Jo ab talak na kiyaa thaa ab aah kar luNgaa
Tumhaarii yaad main ma kaaT duuNgaa hashr kay din
Tumhaaray hijr main raaten siyaah kar luNgaa
Tumhaaray hijr main raaten siyaah kar luNgaa
Hariim-e-hazarat-e-salamaa kii simt jaataa huuN
Huaa na zabt to chupkay say aah kar luNgaa
Huaa na zabt to chupkay say aah kar luNgaa
Yah naubahaar yah abr-o-havaa yah rang-e-sharaab
Chalo jo ho so ho ab to gunaah kar luNgaa
Chalo jo ho so ho ab to gunaah kar luNgaa
Kisii hasiinaa kay maasuum ishq main "Akhtar"
Javaanii kyaa hai main sab kuchh tabaah kar luNgaa