muddat se DhooNDhatii hai kisii kii nazar mujhey

[dream girl]

muddat se DhooNDhatii hai kisii kii nazar mujhey
maiN kis muqaam par hooN, nahiiN hai khabar mujhey

aavaaragii uRhaaye phirii misl-e-boo-e-gul
ko_ii pukaartaa hii rahaa umr bhar mujhey

yooN jaa rahaa hooN jaise na phir aaooNgaa kabhii
muRh-muRh ke dekhtii hai terii rah_guzar mujhey

kyaa jaane kis khayaal se cheharaa damak uThaa
maiN chaara_gar ko dekhtaa hooN chaara_gar mujhey

maNzil pe aa ke ''Shaad'' ajab haadisaa huaa
maiN hamsafar ko bhool gayaa hamsafar mujhey

''Shaad'' Amritsari​

 

[Roja]

Good 1. Thanks for sharing dear DG

 

[nrbhayo]

wah....