Muhabbat tark kii mai.n ne garebaa.N sii liyaa mai.n ne

[dream girl]

Muhabbat tark kii mai.n ne garebaa.N sii liyaa mai.n ne
Zamaane ab to Khush ho zahar ye bhii pii liyaa mai.n ne

Abhii zindah hu.N lekin sochataa rahtaa huu.N Khalwat me.n
Ki ab tak kis tamannaa ke sahaare jii liyaa mai.n ne

Unhe.N apnaa nahii.N saktaa magar itnaa bhii kyaa kam hai
Ki kuchh muddat hasii.N Khwaabo.N me.n kho kar jii liyaa mai.n ne

Bas ab to daaman-e-dil chho.R do bekaar ummiido
Bahut such sah liyaa mai.n ne bahut din jii liyaa mai.n ne

 

[Waqar Hussain]

Bohaat khoob janab

nice and lovely sharing

thankx for sharing ​

 

[**King**]

very nice thanks 4 sharing

 

[nrbhayo]

nice jee..