Mera Rehnuma Koi Aur Hai

  • Work-from-home

ROHAAN

TM Star
Aug 14, 2016
1,795
929
613
6f4fadf75f223740373c470a753b7adb.jpg


مرا رہنما کوئی اور ہے

میں بہک سکوں یہ مجال کیا ، مرا رہنما کوئی اور ہے
مجھے خوب جان لیں منزلیں ، یہ شگشتہ پا کوئی اورہے

جو تمہاری جالی سے متصل ، ہے ستوں کے پیچھے خجل خجل
نہیں میں نہیں ، وہ مریضِ دل ، نہ مرے سوا کوئی اور ہے

مری التجا ہے یہ دوستو ، کبھی تم جو سوئے حرم چلو
تو بنا کے سر کو قدم چلو ، کہ یہ راستہ کوئی اور ہے

ہے مجھے خبر شہہِ این و آں ، مری وجہِ راحتِ قلب و جاں
نہ ترے سوا کوئی اور تھا ، نہ ترے سوا کوئی اور ہے

یہ گمان تھا کئی سال سے ، یہ یقین ہے کئی روز سے
مرے دل سے گنبدِ سبز کا ، یہ معاملہ کوئی اور ہے

وہ حبیبِ ربِ کریمﷺ ہے ، جو رؤف ہے جو رحیم ہے
انہیں فکر ہے مری آپ کی ، انہیں چاہتا کوئی اور ہے

میں جو دور ارضِ حرم سے تھا ، ہوئی خلدِ گوش حسیں صدا
ہے اسی میں ماجدِ بے نوا ، کہ یہ قافلہ کوئی اور ہے
 
Top