Assalaamu alaikum TM aaj hum khaas kar haazir hain
aap subke aage kuch mazeed mangharat aqaaiyd
rakhne ke liye insha'ALLAH in tamaam baaton
se humen hidayat ka zariya milega so aaj ke mauzu hain
1..Dhamaal
2..Urs o Mela
3..Qabaron ki zyarat aur wahan tamasha
subse pehle bata dein ke hum inhen JIHALAT kyun keh rahe hain
1..ye ISLAM to kya hayadaar insaniyat ke bhi samajh se bahir hain
2..In harkaton me nuqsaan ke ilaawa kuch bhi nahin
3..ISLAM me door door tak inka zikr nahin
4..In melon me aadmi aurat ikhatte hote hain(hamesha)
5..Inse AULIYA ALLAH ki be hurmati hoti hai
6..ISLAM ka ghalat chehra auron ke aage peish hota hai
ab aayen baad jihalat ke ise biddat ki roh se dekhne
ALLAH ta'ala ki janib se jo tumhari taraf naazil kiya gaya hai
us ki pairwi karo,aur ALLAH ko chorh kar mangharat sarparaston ki
pairwi mat karo tum loug bohot hi kam naseehat pakarte ho
Surat al A'araaf,ayat#03
aur Hazoor e Aqdas Rehmat al alameen saww ka farmaan e mubarak hai
sub se behetter baat ALLAH ki KITAB hai
aur subse behetter rehnumaiy MOHAMMAD saww ki hai
aur subse bure amor biddaat hain aur har biddat
gumraahi hai
sahih Tirmadhi shareef
goya yeh bina mufti bane bhi pata lag raha hai ke ISLAM me biddat naami
kuch hota hai har biddat gumraahi hai aur biddat deen me kuch naye
kaam ko kaha jaata hai jese ke unme Dhamaal urs mela qabaron pe tamashe
shaamil hain
aur mere nazdeek in mangharat aqaaiyd ke wajoohaat yeh hain
1...JAAHIL LOUGON KO ULMA MAANNA
2...JAHILANA AQEEDE KO SAMAJHNE KE BAAD BHI USKI PAIRWI KARNA
3...BIN DALEEL E AYAAT O AHADEES KISI BAAT KO BHI SAHI JAAN LENA
5...APNE PEER KI JIHALAT SAAMNE AANE KE BAAD BHI BEHES KARNA
6...HAQ KO KISI SURAT TASLEEM NA KARNA
7...YE SOCH KAR CHUP REHNA KE JIHALAT TO SUB FIRQON ME HI HAI
8...DEEN KE MUAAMLE ME ANA PARASTI KARNA
9...ISLAM KO ULMA TAK MEHDOOD KAR DENA
10...YE AQEEDA AAM KARNA KE MURDE MARTE NAHIN
yaqeen karen jab hum in 9 nuqton me se eik per bhi
sabit e qadam rehna chorh dein to dar haqeeqat me
MUSALMAAN ban jaayen aur humaare tamaam jahilana
aqaaiyd khatam ho jaayen ab aapko dikhate chalen
ke aakhir yeh urs mela aur mazaraat pe hota kya hai
Urs ke haqaaiyq
Mazaraat per hinduiyat
mandir numa ghantiyan
Hu ba hu bhagwan
Dhamaal ki haqeeqat
mard aur aurat ikhatte kis tarah
ka dhamaal aur kahaan ka deeni hissa ??
Qabar ya Mehel ??
QAWAALI KE NAAM PER BE PARDAGI
Mazeed JIHALAT
doston aaj ke aksar naojawan Karachi Hyderabad
ki jaanib se bolte hain hum jaa rahe hain dargah per
urs hai urs hai aap dekhte hoge unhen theek tarah
se 6 kalimon ka naam tak yaad nahin hoga paanch
waqt ki namaz nahin parhte lekin in maqamaat per
yeh sub dekhne aur karne ke liye jaate hain sirf
aur sirf tafreeh ke naam per aur wahaan kya kiya jata hai
wo sub aap dekh chuke hain NAUZBILLAH aur uske
ilaawa bhi urs mela dhamal ka ISLAM se door door
tak koi rishta nahin albatta yeh dhamal hinduiyat se
MUSALMAANON me daakhil huwa hai jiska khaatma
zaroori hai aur insha'ALLAH eik din iska khaatma hoga
humare liye is se bachna laazmi hai kyunke
QURAN shareef me hai
Farma dijiye ke mere RAB ne sirf
be hayaiy ki baaton ko haram kiya hai
jo un me se zahir hon aur jo posheeda hon
aur gunah ko aur na haq zyadti ko aur is bat
ko ke tum ALLAH ka shareek thehrao,(aur)jiski
usne sanad nahin utaari aur ye ke tum ALLAH
per aisi baaten kaho jo tum khud bhi
nahin jaante
Quran surat al A'araaf,ayat#32
(again from Irfan ul Quran)
aur apne jaanne walon ko in biddaat se
bachaane ki poori koshish karen kyunke
QURAN AL HAKEEM me aaya hai
Beshak insan khassare me hai siwaye un logon ke jo iman le aaye
aur naik amal karte rahe aur eik doosre ko haq ki talqeen karte rahe
aur baahum sabar ki takeed karte rahe
Quran surat al Hummaza,ayat#2-3
ALLAH PAK humen haq ke raaste pe chalaye
HAQ baat karne ki sunne ki samajhne ki
karwane ki sunaane ki samjhaane ki bharpoor
quwwat himmat o taufeeq bakhsh Ameen .