اللہ تعالیٰ خالق کل ہے اور اس کی بنائی ہوئی چھوٹی سے چھوٹی چیز بھی کاریگری اور صناعی کا ایک ایسا نمونہ ہوتی ہے کہ انسان حیران رہ جاتا ہے۔
لیکن کچھ چیزیں تو ایسا شاہکار ہوتی ہیں کہ جیسے خاص پیار اور قدرت سے انہیں بنایا گیا ہوں ایسی ہی ایک تخلیق ہمنگ برڈز ہیں۔
ہمنگ برڈز جنہیں شکر خورہ بھی کہا جاتا ہے تقریباً ساری دنیا میں ہی پائے جاتے ہیں اور ان کے نام شکر خورہ کی وجہ تسمیہ یہ ہے کہ یہ پرندے صرف پھولوں کا رس چوستے ہیں۔
اللہ کی بنائی ہوئی ایک بہترین فلائنگ مشین ہونے کی وجہ سے یہ ان چند پرندوں میں سے ایک ہیں جو ہوا میں ایک ہی جگہ نہ صرف کھڑے رہ سکتے ہیں بلکہ آگے پیچھے اوپر نیچے ہر سمت میں اڑان بھر سکتے ہیں۔