MY TODAY'S FEELING
حدودِ جاں سے گزر ہوا تو محبتوں کا پتہ چلے گا
کوئی محبتوں کی نذر ہوا تو محبتوں کا پتہ چلے گا
کوئی محبتوں کی نذر ہوا تو محبتوں کا پتہ چلے گا
ابھی تو پھرتے ہو دوستوں میں، عزیز کوئی جدا نہیں ہے
کوئی اِدھر سے اُدھر ہوا تو محبتوں کا پتہ چلے گا
یہ خوش نصیبی ہے شہر بھر میں تمہارا دشمن نہیں ہے کوئی
کبھی کسی کا جو ڈر ہوا تو محبتوں کا پتہ چلے گا
یہ فاصلہ سا ابھی تلک جو ہمارے دونوں کے درمیاں ہے
یہ فاصلہ مختصر ہوا تو محبتوں کا پتہ چلے گا
ابھی محبت نہیں ہوئی تو کچھ اس لئے مسکرا رہے ہو
کسی کی باہوں میں گھر ہوا تو محبتوں کا پتہ چلے گا
محبتوں میں تو پتھروں کو بھی موم ہوتے سنا ہے لیکن
تمہارے دل پہ اثر ہوا تو محبتوں کا پتہ چلے گا
وہ جس کی خاطر زمانے بھر کو بنا رہے ہو تم اپنا دشمن
وہی نہ اپنا اگر ہوا تو محبتوں کا پتہ چلے گا
بدل بدل کے ابھی تو چہرے معیار اپنا بنا رہے ہو
کوئی نہ حدِ نظر ہوا تو محبتوں کا پتہ چلے گا
یہ کیا بچھڑنا کہ شام ہوتے ہی اپنے پیاروں میں لوٹ آنا
کبھی جو لمبا سفر ہوا تو محبتوں کا پتہ چلے گا
