Apney Seeney Se Lagaaye Hoye Umeed Ki Laash
Mudaton Zeest Ko Naashaad Kiya Hai Mein Ne
Too Ne To Ek Hi Sadmey Se Kiya Tha Do Chaar
Dil Ko Her Tarah Se Barbaad Kiya Hai Mein Ne
Jab Bhi Raahon Mein Nazar Aaye Hareeri Malboos
Sard Aahon Se Tujhey Yaad Kiya Hai Mein Ne
Aur Ab Jab Ke Meri Rooh Ki Pehnaayi Mein
Ek Sunsaan Si Maghmoom Ghataa Chaayi Hai
Too Damaktey Hoye Areez Ki Shuaayein Le Kar
Gul Shuda Shammain Jalaaney Ko Chali Aayi Hai
Meri Mehboob Ye Hangamaa-e-Tajdeed-e-Wafa
Meri Afsurda Jawaani Ke Liye Raas Nahee
Mein Ne Jo Phool Chuney The Terey Qadmon Ke Liye
Un Ka Dhundlaa Sa Tasawur Bhi Merey Paas Nahee
Ek Yakh Basta Udaasi Hai Dil-o-JaaN Pe Muheet
Ab Meri Rooh Mein Baaqi Hai Na Umeed Na Josh
Reh Gaya Dab Ke GiraaN Baar Salaasil Ke Taley
Meri Dar Maandaa Jawaani Ki Umangon Ka Kharosh
Mudaton Zeest Ko Naashaad Kiya Hai Mein Ne
Too Ne To Ek Hi Sadmey Se Kiya Tha Do Chaar
Dil Ko Her Tarah Se Barbaad Kiya Hai Mein Ne
Jab Bhi Raahon Mein Nazar Aaye Hareeri Malboos
Sard Aahon Se Tujhey Yaad Kiya Hai Mein Ne
Aur Ab Jab Ke Meri Rooh Ki Pehnaayi Mein
Ek Sunsaan Si Maghmoom Ghataa Chaayi Hai
Too Damaktey Hoye Areez Ki Shuaayein Le Kar
Gul Shuda Shammain Jalaaney Ko Chali Aayi Hai
Meri Mehboob Ye Hangamaa-e-Tajdeed-e-Wafa
Meri Afsurda Jawaani Ke Liye Raas Nahee
Mein Ne Jo Phool Chuney The Terey Qadmon Ke Liye
Un Ka Dhundlaa Sa Tasawur Bhi Merey Paas Nahee
Ek Yakh Basta Udaasi Hai Dil-o-JaaN Pe Muheet
Ab Meri Rooh Mein Baaqi Hai Na Umeed Na Josh
Reh Gaya Dab Ke GiraaN Baar Salaasil Ke Taley
Meri Dar Maandaa Jawaani Ki Umangon Ka Kharosh