Ehd-e ghum gushta ki tasweer dikhaati kyu ho

[dream girl]

Ehd-e ghum gushta ki tasweer dikhaati kyu ho
aik awara-e manzil ko satati kyu ho
wo hasee.n ehd jo sherminda-e eefa na howa
us hasee.n ehd ka mafhoom jatati kyu ho
zindagi shola-e bebaak bana lo apni
khud ko khakaster-e khamosh banati kyu ho
main tasaw'ueraat k marahil ka nahi hoon qail
merey tasweer pe tum phool charhaati kyu ho
koun kehta hay k aahain hain masaaib ka ilaaj
jaan ko apni abas rog lagaati kyu ho
ik sarkash sey mohabbat ki tammanna rakh kar
khud ko aaen k phandhoo.n main phansaati kyu ho
main samajhta hoon taqaddus ko mutdaiyan ka faraib
tum rasoomaat ko emaan banati kyu ho
jab tumhain mujh sey zayada hay zamaney ka khayyal
phir meri yaad main yoon askh bahaati kyu ho
tum main himmat hay tu duniya sey baghawat kar do
warna maan baap jahan kehtey hain shadee kar lo​

 

[nrbhayo]

nice..