Hamaare daramiyan aisa koi rishtaa nahin thaa
Tere shaanon pe koi chhat nahin thii
Mere zimme koi aangan nahin thaa
Koi vaadaa terii zanjiir-e-paa banane nahin paayaa
Kisi iqaraar ne meri kalaai ko nahin thaamaa
Havaa-e-dasht kii maanind
Tuu aazaad thaa
Raaste terii marzii ke tabe the
Mujhe bhii apanii tanhaai pe
Dekhaa jaaye to
Puuraa tasarruf thaa
Magar jab aaj tuu ne
Raastaa badalaa
To kuchh aisaa lagaa mujh ko
Ke jaise tuu ne mujh se bevafaai ki
Tere shaanon pe koi chhat nahin thii
Mere zimme koi aangan nahin thaa
Koi vaadaa terii zanjiir-e-paa banane nahin paayaa
Kisi iqaraar ne meri kalaai ko nahin thaamaa
Havaa-e-dasht kii maanind
Tuu aazaad thaa
Raaste terii marzii ke tabe the
Mujhe bhii apanii tanhaai pe
Dekhaa jaaye to
Puuraa tasarruf thaa
Magar jab aaj tuu ne
Raastaa badalaa
To kuchh aisaa lagaa mujh ko
Ke jaise tuu ne mujh se bevafaai ki