Kariya-E-Jaan May Koi Phul Khilaney Aye

[Dark]

Kariyaa-e-jaan mein koi phuul khilaane aaye
Vo mere dil pe nayaa zaKhm lagaane aaye

Mere viiraan dariichon mein bhii Khushbuu jaage
Vo mere ghar ke dar-o-baam sajaane aaye

Us se ik baar to ruuthun main usii kii maanind
Aur merii tarah se vo mujh ko manaane aaye

Isii kuuche me.n kai us ke shanaasaa bhii to hain
Vo kisii aur se milane ke bahaane aaye

Ab na puuchhuu.Ngii mai.n khoye hue Khvaabon ka pata
Vo agar aaye to kuchh bhii na bataane aaye

Zabt kii shahar-panaaho.n kii mere maalik Khair
Gam kaa sailaab agar mujh ko bahaane aaye

​

 

[**King**]

nice sharing

 

[HINATA]

niceeeeeeeeeeeee
​

 

[goodfrndz]

bohat bohat zbrdast

~~~shukriya~~~

hamarey saath share krney k liye. . . . .


umeed krtey hain k aap aisay hi hamrey saath share krte rahain gey . . .. . InshaAllah

 

[nrbhayo]

umda..