Aao k aaj ghaur karain is sawal par
daikhe thay jo wo haseen khawab kia huye?
daulat barhi to mul may aflaas kio barha
Khush'haali-e-awam k asbab kiya huye?
"jamhuriyat nawaz","bashar dost","aman khawa"
khud ko jo diye thay wo alqab kia huye?
mazhab ka rog aaj bhi q lailaaj hay
wo nuskha haaye nadir-o-nayab kia huye?
har koocha shaula zaar hay har shehar qatl gaah
yakjehti-e-hayat k aadab kiya huye?
Sehra-e-teergi may bhatakti hay zindagi
Ubhrey thay jo ufaq pey wo mehtaab kiya huye?