Mirza Ghalib 's Potry Collection

[*Sarlaa*]

Ye jo hum hijr mein divar-o-dar ko dekhte hain
kabhi saba ko kabhi namabar ko dekhte hain
wo aaye ghar mein hamare khuda ke kudarat hai
kabhi hum un ko kabhi apne ghar ko dekhte hain
nazar lage na kaheen usake dast-o-bazu ko
ye log kyon mere zakhm-e-jigar ko dekhte hain
tere javahir-e-tarf-e-kulah ko kya dekhen
hum auj-e-tala-e-lal-o-guhar ko dekhte hain

 

[*Sarlaa*]

Wo firaq aur wo visal kahan
wo shab-o-roz-o-mah-o-sal kahan
fursat-e-karobar-e-shauq kise
zauq-e-nazzara-e-jamal kahan
dil to dil wo dimag bhi na raha
shor-e-sauda-e-khat-o-khal kahan
thi wo ik shakhs ke tasavvur se
ab wo rannai-e-khayal kahan
aisa aasan nahi lahu rona
dil mein taqat jigar mein hal kahan
hum se chuta qimarkhana-e-ishq
van jo jayen girah mein mal kahan
fikr-e-duniya mein sar khapata hun
main kahan aur ye vabal kahan
muzamahil ho gaye quva ‘ghalib’
wo anasir mein aitadal kahan

 

[*Sarlaa*]

Ye na thi hamari qismat ke visal-e-yar hota
agar aur jite rehte yahi intazar hota
tere wade par jiye hum to ye jan jhooth jana
ke khushi se mar na jate agar aitabar hota
teri nazuki se jana ki bandha tha ahdboda
kabhi tu na tod sakata agar ustavar hota
koi mere dil se puche tere tir-e-nimakash ko
ye khalish kahan se hoti jo jigar ke par hota
ye kahan ke dosti hai ke bane hain dost naseh
koi charasaz hota, koi gamgusar hota
rag-e-sang se tapakata wo lahu ki phir na thamata
jise gham samajh rahe ho ye agar sharar hota
gham agarche jangusil hai, pe kahan bachen ke dil hai
gam-e-ishq gar na hota, gam-e-rozagar hota
kahun kis se main ke kya hai, shab-e-gam buri bala hai
mujhe kya bura tha marana agar ek bar hota
hue mar ke hum jo rusava, hue kyon na garq-e-dariya
na kabhi janaza uthata, na kaheen mazar hota
use kon dekh sakata ki yagana hai wo yakta
jo dui ke bu bhi hoti to kaheen do char hota
ye masail-e-tasavvuf, ye tera bayan ‘ghalib’
tujhe hum wali samajhate, jo na badakhvar hota

 

[*Sarlaa*]

Tu dost kisi ka bhi sitamgar na hua tha
auron pe hai wo zulm ki mujh par na hua tha
choda mah-e-nakhshab ke tarah dast-e-qaza ne
khurshid hanoz us ke barabar na hua tha
taufiq ba andaz-e-himmat hai azal se
aankhon mein hai wo qatara ki gohar na hua tha
jab tak ke na dekha tha qad-e-yar ka aalam
main motaqid-e-fitana-e-mahashar na hua tha
main sada dil aazurdagi-e-yar se khush hun
yani sabaq-e-shauq mukarrar na hua tha
dariya-e-maasi tunuk abhi se hua khushk
mera sar-e-daman bhi abhi tar na hua tha
jari thi asad dag-e-jigar se mere tahasil
aatashqada jagir-e-samandar na hua tha

 

[*Sarlaa*]

Zikr us parivash ka, aur phir bayan apna
ban gaya raqib aakhir tha jo razdan apna
mein wo kyon bahut pite bazm-e-ghair mein yarab
aj hi hua manzur un ko imtihan apna
manzar ik bulandi par aur hum bana sakate
arsh se idhar hota kash ke makan apna
de wo jis qadar zillat hum hansi mein talenge
bare aashna nikala unaka pasaban apna
dard-e-dil likhun kab tak? jaun un ko dikhala dun
ungaliyan figar apni khamakhunchakan apna
ghisate ghisate mit jata aap ne abas badala
nang-e-sajda se mere sang-e-astan apna
ta kare na gamazi, kar liya hai dushman ko
dost ke shikayat mein hum ne ham-zaban apna
hum kahan ke dana the kis hunar mein yakta the
besabab hua ‘ghalib’ dushman aasman apna

 

[*Sarlaa*]

Shikave ke naam se bemehar khafa hota hai
ye bhi mat kah ke jo kahiye to gila hota hai
pur hun main shikave se yun rag se jaise baja
ik zara chediye phir dekhiye kya hota hai
go samajhata nahi par husn-talafi dekho
shikava-e-jaur se sar-garm-e-jafa hota hai
ishq ke reh mein hai charkh-e-makaukab ke wo chal
sust-rau jaise koi aabalapa hota hai
q na thaharen hadaf-e-navak-e-bedad ke hum
aap utha late hain gar tir khata hota hai
khub tha, pahale se hote jo hum apne bad-khvah
ke bhala chahate han aur bura hota hai
nala jata tha pare arsh se mera aur ab
lab tak aata hai, jo aisa hi rasa hota hai

 

[*Sarlaa*]

Zulmatkade mein mere shab-e-gam ka josh hai
ik shamma hai dalil-e-sahar, so khamosh hai
na muzda-e-visal na nazara-e-jamal
muddat hui ki aashti-e-chashm-o-gosh hai
mein ne kiya hai husn-e-khudara ko behijab
ae shauq yan ijazat-e-taslim-e-hosh hai
gohar ko ikd-e-gardan-e-khuban mein dekhana
kya auj par sitara-e-gauharfarosh hai
didar, vada, hausala, saqi, nigah-e-mast
bazm-e-khayal maikada-e-bekharosh hai
ae taza varidan-e-bisat-e-hava-e-dil
zinhar gar tumhen havas-e-na-o-nosh hai
dekho mujhe jo dida-e-ibaratnigah ho
meri suno jo gosh-e-nasihatniyosh hai
saqi bajalva dushman-e-iman-o-agahi
mutarib banagma rahazan-e-tamkin-o-hosh hai
ya shab ko dekhte the ki har gosha-e-bisat
daman-e-bagaban-o-kaf-e-gulfarosh hai
lutf-e-khiram-e-saqi-o-zauq-e-sada-e-chang
ye jannat-e-nigah wo firdaus-e-gosh hai
ya subh dam jo dekhiye aakar to bazm mein
na wo surur-o-soz na josh-o-kharosh hai
dag-e-firaq-e-sohabat-e-shab ke jali hui
ik shamma reh gai hai so wo bhi khamosh hai
aate hain gaib se ye mazamin khayal mein
‘ghalib’, sarir-e-khama nava-e-sarosh hai

 

[*Sarlaa*]

Taskin ko hum na roen jo zauq-e-nazar mile
huran-e-khuld mein teri surat magar mile
apni gali mein mujh ko na kar dafn bad-e-qatl
mere pate se khalq ko kyon tera ghar mile
saqi gari ke sharm karo aj warna hum
har shab piya hi karte hain mein jis qadar mile
tujh se to kuch kalam nahin lekin ae nadim
mera salam kahiyo agar namabar mile
tum ko bhi hum dikhaye ke majanun ne kya kiya
fursat kashakash-e-gam-e-pinhan se gar mile
lazim nahi ke khijr ke hum pairavi karen
mana ke ek buzurg hamen hum safar mile
ae sakanan-e-kucha-e-dildar dekhana
tum ko kaheen jo ghalib-e-ashufta sar mile

 

[*Sarlaa*]

Rone se aur ishq mein bebak ho gae
dhoe gae hum aise ki bas pak ho gae
sarf-e-baha-e-mai hue aalat-e-maikashi
the ye hi do hisab so yon pak ho gae
rusava-e-dahar go hue aavargi se tum
bare tabiyaton ke to chalak ho gae
kehta hai kon nala-e-bulbul ko beasar
parde mein gul ke lakh jigar chak ho gae
puche hai kya vajud-o-adam ahl-e-shauq ka
aap apni aag se khas-o-khashak ho gae
karne gaye the us se tagaful ka hum gila
ke ek hi nigah ki bas khak ho gae
is rang se uthai kal us ne ‘asad’ ke nash
dushman bhi jis ko dekh ke gamnak ho gae

 

[*Sarlaa*]

Phir mujhe dida-e-tar yaad aaya
dil jigar tashna-e-fariyad aaya
dam liya tha na qayamat ne hanoz
phir tera vaqt-e-safar yaad aaya
sadagi haye tamanna yani
phir wo nairang-e-nazar yaad aaya
uzr-e-vamandagi ae hasrat-e-dil
nala karta tha jigar yaad aaya
zindagi yun bhi guzar hi jati
kyon tera rahguzar yaad aaya
kya hi rizavan se ladai hogi
ghar tera khuld mein gar yaad aaya
aah wo jurrat-e-fariyad kahan
dil se tang aake jigar yaad aaya
phir tere kuche ko jata hai khayal
dil-e-gumgashta magar yaad aaya
koi virani-si-virani hai
dasht ko dekh ke ghar yaad aaya
main ne majanun pe ladakapan mein ‘asad’
sang uthaya tha ke sar yaad aaya

 

[*Sarlaa*]

us bazm mein mujhe nahi banati haya kiye
baitha raha agarche ishare hua kiye
dil hi to hai siyasat-e-darban se dar gaya
main aur jaun dar se tere bin sada kiye
rakhta phirun hun khirqa-o-sajjada rahan-e-mai
muddat hui hai davat-e-ab-o-hava kiye
besarfa hi guzarati hai, ho garche umr-e-khizr
hazarat bhi kal kahenge ki hum kya kiya kiye
maqadur ho to khak se puchun ke ae laim
tune wo ganj haye giranmaya kya kiye
kis roz tohamaten na tarasha kiye adu
kis din hamare sar pe na aare chala kiye
sohabat mein gair ke na padi ho kaheen ye khu
dene laga hai bose bagair iltija kiye
zid ke hai aur baat magar khu buri nahi
bhule se us ne saikadon vade-vafa kiye
‘ghalib’ tumhin kaho ki milega javab kya
mana ki tum kaha kiye aur wo suna kiye

 

[*Sarlaa*]

Na hui gar mere marane se tasalli na sahi
imtihan aur bhi baqi ho to ye bhi na sahi
khar-khar-e-alam-e-hasarat-e-didar to hai
shauq gulachin-e-gulistan-e-tasalli na sahi
may parastan khum-e-may muh se lagaye hi bane
ek din gar na hua bazm mein saqi na sahi
nafaz-e-qais ke hai chashm-o-charag-e-sahara
gar nahi shama-e-siyahakhana-e-laila na sahi
ek hangame pe maukuf hai ghar ke raunak
noh-e-gam hi sahi, nagma-e-shadi na sahi
na sitaish ke tamanna na sile ke parawah
gar nahi hai mere ashar mein mane na sahi
isharat-e-sohabat-e-khuban hi ganimat samajho
na hui “ghalib” agar umr-e-tabii na sahi

 

[*Sarlaa*]

sadagi par us ke mar jane ke hasrat dil mein hai
bas nahi chalata ki phir khanjar kaf-e-qatil mein hai
dekhana taqarir ke lazzat ki jo usane kaha
mainne yah jana ki goya yah bhi mere dil mein hai
garache hai kis kis burai se wale ba in hama
zikr mera mujh se behatar hai ki us mahafil mein hai
bas hujum-e-na umidi khak mein mil jayagi
yah jo ik lazzat hamari sai-e-behasil mein hai
ranj-e-rah kyon khenchiye vamandagi ko ishq hai
uth nahi sakata hamara jo qadam manzil mein hai
jalva zar-e-atash-e-dozakh hamara dil sahi
fitana-e-shor-e-qayamat kis ke aab-o-gil mein hai
hai dil-e-shorida-e-galib tilism-e-pech-o-tab
raham kar apni tamanna par ki kis mushkil mein hai

 

[*Sarlaa*]

sadagi par us ke mar jane ke hasrat dil mein hai
bas nahi chalata ki phir khanjar kaf-e-qatil mein hai
dekhana taqarir ke lazzat ki jo usane kaha
mainne yah jana ki goya yah bhi mere dil mein hai
garache hai kis kis burai se wale ba in hama
zikr mera mujh se behatar hai ki us mahafil mein hai
bas hujum-e-na umidi khak mein mil jayagi
yah jo ik lazzat hamari sai-e-behasil mein hai
ranj-e-rah kyon khenchiye vamandagi ko ishq hai
uth nahi sakata hamara jo qadam manzil mein hai
jalva zar-e-atash-e-dozakh hamara dil sahi
fitana-e-shor-e-qayamat kis ke aab-o-gil mein hai
hai dil-e-shorida-e-galib tilism-e-pech-o-tab
raham kar apni tamanna par ki kis mushkil mein hai

 

[*Sarlaa*]

muddat hui hai yar ko mahaman kiye hue
josh-e-qadah se bazm charagan kiye hue
karta hun jama phir jigar-e-lakht-lakht ko
arsa hua hai davat-e-mizshgan kiye hue
phir vaza-e-ehatiyat se rukane laga hai dam
barason hue hain chak gireban kiye hue
phir garmnala haye shararbar hai nafas
muddat hui hai sair-e-charagan kiye hue
phir pursish-e-jarahat-e-dil ko chala hai ishq
saman-e-sadhazar namakdan kiye hue
phir bhar raha hun khama-e-mizshgan bakhun-e-dil
saz-e-chamantarazi-e-daman kiye hue
bahamdigar hue hain dil-o-dida phir raqib
nazzara-o-khayal ka saman kiye hue
dil phir tavaf-e-ku-e-malamat ko jaye hai
pindar ka sanamkada viran kiye hue
phir shauq kar raha hai kharidar ke talab
arz-e-mata-e-aql-o-dil-o-jan kiye hue
daude hai phir har ek gul-o-lala par khayal
sadgulsitan nigah ka saman kiye hue
phir chahata hun nama-e-dildar kholana
jan nazar-e-dilfarebi-e-unvan kiye hue
mange hai phir kisi ko lab-e-bam par havas
zulf-e-siyah rukh pe pareshan kiye hue
chahe phir kisi ko muqabil mein aarzoo
surme se tez dashna-e-mizshgan kiye hue
ik naubahar-e-naz ko take hai phir nigah
chehara furog-e-mai se gulistan kiye hue
phir jee mein hai ki dar pe kisi ke pade rahen
sar zer bar-e-minnat-e-darban kiye hue
jee dhundhata hai phir wohi fursat ke raat din
baithe rahen tasavvur-e-janan kiye hue
‘ghalib’ hamen na ched ki phir josh-e-ashk se
baithe hain hum tahayya-e-tufan kiye hue

 

[*Sarlaa*]

kyonkar us but se rakhun jan aziz
kya nahi hai mujhe iman aziz
dil se nikala pa na nikala dil se
hai tere tir ka paikan aziz
tab laye hi banegi ‘ghalib’
baqia sakht hai aur jan aziz

 

[*Sarlaa*]

mana-e-dasht navardi koi tadabir nahi
ek chakkar hai mere paon mein zanjir nahi
hasarat-e-lazzat-e-azar rahi jati hai
jadah-e-rah-e-vafa juz dam-e-shamshir nahi
ranj-e-na-ummidi-e-javed gavara rahiyo
khush hun gar nala zabuni kash-e-tasir nahi
sar khujata hai jahan zakhm-e-sar acha ho jaye
lazzat-e-sang ba-andaza-e-taqarir nahi
jab karam rukhsat-e-bebaki-o-gustakhi de
koi taqasir ba-juz khaslat-e-taqasir nahi
“ghalib” apna ye aqida hai baqaul-e-nasikh
aap be-behara hain jo motaqid-e-mir nahi

 

[*Sarlaa*]

Kalkatte ka jo zikr kiya tune hum nasheen
ik tir mere sine mein mara ke haye haye
wo sabza zar haye mutarra ke hai gazab
wo nazanin butan-e-khudara ke haye haye
sabrazma wo un ke nigahen ke haf nazar
taqatruba wo un ka ishara ke haye haye
wo meva haye taza-e-shirin ke vah vah
wo bada haye nab-e-gavara ke haye haye

 

[*Sarlaa*]

Kahate ho na denge hum dil agar pada paya
dil kahan ki gum kije hum ne muddaa paya
ishq se tabiat ne zist ka maza paya
dard ke dawa pai dard-e-bedava paya
dostadar-e-dushman hai etimad-e-dil malum
aah beasar dekhi nala narasa paya
sadagi-o-purkari bekhudi-o-hoshiyari
husn ko tagaful mein juraat aazama paya
guncha phir laga khilane aj hum ne apna dil
khoon kiya hua dekha gum kiya hua paya
hal-e-dil nahi malum lekin is qadar yani
hum ne barha dhundha tum ne barha paya
shor-e-pand-e-naseh ne zakhm par namak chidaka
aap se koi puche tum ne kya maza paya

 

[*Sarlaa*]

Kabhi neki bhi usake jee mein aa jaye hai mujhase
jafayen karake apni yaad sharma jaye hai mujhase
khudaya! jazba-e-dil ke magar tasir ulati hai
ki jitana khenchata hun aur khinchata jaye hai mujhase
wo bad khu aur meri dastan-e-ishq tulanii
ibarat mukhtasar, qasid bhi ghabara jaye hai mujhase
udhar wo badagumani hai, idhar ye natavani hai
na pucha jaye hai usase, na bola jaye hai mujhase
sanbhalane de mujhe ae naumidi, kya qayamat hai
ki damane khayale yar chuta jaye hai mujhase
takalluf bar taraf nazzaragi mein bhi sahi, lekin
wo dekha jaye, kab ye zulm dekha jaye hai mujhase
hue hain panv hi pahale nabard-e-ishq mein zakhmi
na bhaga jaye hai mujhase, na thahara jaye hai mujhase
qayamat hai ki hove muddai ka hamsafar ‘ghalib’
wo kafir, jo khuda ko bhi na saunpa jaye hai mujhase