MOHABBAT... KIYA HAI? KAISI HAI? KIYUN HAI?
KIYA HAI,,, Aik pak jazba hai. jisay sirf woh log hi mehsoos kar sakte hain. jinhon ne apni zindagi se zayada uski zindagi ko ahmiyat di. jis se woh sachche dil se mohabbat karte hain. yeh koi khail nahi. bal k woh haqeeqat hai jo shayad sari daulat de kar bhi nahi kharidi ja sakti hai. aur bad qismat log shayad usay saat janam mein bhi nahi pa sakte hain.
KAISI HAI,,, Bilkul us chaand ki tarah jis mein aik bhi daagh nahi, aur us taj mehal ki tarah jis se hazaron yaden wabasta hain, jisay dunya waale subah ke chamakte suraj mein to daikhte hain. lekin raat ke andhairon mein nahi, kitne gham juray hain us se.
isi tarah mohabbat ko likhne aur samajhne ke liye dil ke jazbaat aur aankhon ki zaroorat hoti hai.
KIYUN HAI,,, Isi liye k agar mohabbat na hoti to yeh dunya be rang, be maqsad aur be maana ho kar reh jati. zindagi ka kaarwaan kaise aage badhta,,,? kaise guzarte yeh shab o roz,,,? mohabbat ke dam par hi to yeh dunya chal rahi hai. mohabbat na hoti to kuch bhi na hota.
