Poetry by topic (Khushboo )

[Amreen]

Assalam O Alaikum Frnds....

Aaj main aapke liye ek aur dilchusp shayri game le ke hazir huwi hoon...

Ye game hai Poetry By Topics ... {(laire)}

Is game me aapko her week ek topic diya jayga....aur us topic pe aapko koi sher ya poetry yaha post karni hogi...ek member ek hi poetry ya sher yaha post ker sakta hai....

ek week bad RR posted poetries me se ek select karengi aur use best poetry announce karengi... v{()|aw

us poetry ke post kerne wale member ko RR ki taraf se ye khoobsoorat Trophy as award di jayegi...

Umeed karti hoon ke ye game aaplogo ko pasand aayega aur aap sab is game me participate kiya karenge....

her monday ko main ek topic diya karoongi aur friday tak members yaha posting karenge aur final result sunday ko RR announce karengi...

Is week ka topic hai...

... KHUSHBOO ...

as a example main ek sher post ker rahi hoon...


KHUSHBOO ki tarah aaya woh tez hawaon me
manga tha jise humne din raat duwaon me

umeed hai frnds ke aap sab ko samajh aa gaya hoga ke is game me kya karna hai...
so let's start...

Sare members monday - friday tak yaha sharing kar sakte hain & sunday ko result announce ker diya jayega

Note - Agar koi member yaha poetry image post karna chahta hai to use image me apna user name & tafreehmela ka naam mention karna hoga warna image accept nahi ki jaygi...​

 

[Toobi]

Aks-e khushboo hon bikharne se na roke koi,
Aur bikhar jaaon to mujh ko na samete koi.

Kaanp uthti hon main ye soch k tanhaayi main,
Mere chehre pe tera naam na parh le koi.

Jis tarah khuwaab mere ho gaye reza reza,
Us tarah se na kabhi toot k bikhre koi.!
Main to us din se hiraasaa’n hon k jab hukum mile,
Khushk phoolon ko kitaabon main na rakhe koi.

Ab to is raah se wo shakhs guzarta bhi nahin,
Ab kis umeed pe darwaaze se jhaanke koi?
Koi aahat, koi aawaz, koi chaap nahin,
Dil ki galiyaan barree sunsaan hain, aaye koi..




​

 

[saviou]

Wa Alaykum Assalam Wrwb
masha Allah acha topic hai mohtarma

 

[-Mahi-]

wowwwwwwwwwwwwww

 

[Dawn]

wow nice topic amreen ye lijiye khushboo par ek choti si koshish

Khushboo ki Tarah Aaya wo tez Hawaaon mein
Manga tha jise hum ne Din Raat Duaaon mein

Tum Chat pe nahi aaye Main Ghar se nahi Nikla
Ye Chaand bahut bhatka hai Saawan ki Ghataon mein

Is shehar mein ek Larki Bilkul hai Ghazal Jaisi
Bijli si Ghataaon mein Khushboo si Hawaaon mein

Mausam ka Ishara hai Khush Rehne do Bachhon ko
Maasoom Mohabbat hai Phoolon ki Khataon mein

Hum Chaand Sitaro ki Raahon ke Musaafir hain
Har Raat Chamakte hain Tareek Khilaaon mein​

 

[Rubi]

nyc sharings guyz...

 

[mirza37]

Nice topic bajoooooooo.

 

[Just_Like_Roze]

KHUSHBOO
tez ho jaata hai khushboo ka safar shaam ke baad
phuul shahro.n mei.n bhi khilte hai.n magar shaam ke baad

usse daryaaft na karna kabhi din ke haalaat
sub'ha ka bhuula jo lauT aaya ho ghar shaam ke baad

din tere hijra mei.n kaT jaata hai jaise-taise
mujhse rahtii hai khafaa merii nazar shaam ke baad

qad se baDh jaaye jo saaya to buraa lagtaa hai
apanaa suuraj woh uThaa leta hai har shaam ke baad

tum na kar paaoge andaaza tabaahii ka merii
tumne dekha hii nahii.n koyii kha.NDar shaam ke baad

mere baare mei.n koyii kuCh bhi kahe sab manzuur
mujhko rahtii hii nahii.n apnii khabar shaam ke baad

ye hii milne ka samay bhi hai biChaDne ka bhi
mujhko lagtaa hai bahut apne se Dar shaam ke baad

tiiragii ho to vujuud uskaa chamakta hai bahut
DhuuND to lunga use 'JRL' magar shaam ke baad
​

​

 

[(åйĵΰ)]

MEra Kuch saman TuMHarY paas Para hai

Aik Dafa Yaad Hai Woh Tum Ko
Bin Bati jub Cycle Ka “Challan” Howa Tha
hHm Nay Kaisay Bhookay Piyasay
Baicharon Jaisi “Acting” Ke The
“Hawaldaar” Nay Oltay “Athni”Day Ker…
Bhaaij Dia Tha…..!
Aik “Chawani” Meri The………

“Woh Bhijwa Doo………….!”

“Mera Kuch Samaan
Tumharay Pass Para Hai
Who Lota Doo….”

Sawan K Kuch Bheegay Bheegay Din Rakhay Hain
Or Mere Aik Khat Main Lipti Raat Pari Hai

”Woh Raat Bhjhwa Doo………..!”

“Mera Kuch Samaan
Tumharay Pass Para Hai
Who Lota Doo….”

Pat-Jhurr Main Kuch Patoon k
Girnay Ke Aahat…….
Kaanoon Main Aik Baar Pahen k Lot Aai The.
Pat-jhurr Ke Woh Shaakh Abhi Kaanp Rahy Hai
“Woh Shaakh Gira Doo …………!”

“Mera Kuch Samaan
Tumharay Pass Para Hai
Who Lota Doo….”


Aik Akali “Chahthri” Main Jab
Aadhay Aadhay Bheeg Rahay Thay
Aadhay Sokhay Aadhay Geelay….
Sokha To Main Lay Aai The
Geela Mun Shayad Bister k Pass Para Ho…!!!
“Woh Bhijwa Do…………..!”

“Mera Kuch Samaan
Tumharay Pass Para Hai
Who Lota Doo….”

116 Chaand Ke Raatain
Aik Tumharay Kaandhay ka Til
Geeli Mehndi ke Khushboo
Jhoot Moot k Shikway Kuch
Jhoot Moot K Waday Bhe
Yaad Kara Doon…?
“Sab Bhijwa Doo………………!”

“Mera Kuch Samaan
Tumharay Pass Para Hai
Who Lota Doo….”


1 Ijezat Day Doo Bus
Jab Is Ko Dafnaoon Gay
Main Bhe Wahain Soo Jaoon Ge...!!!



“Mera Kuch Samaan
Tumharay Pass Para Hai
Who Lota Doo….”

 

[Zee Leo]

hmmm nice topic

 

[saviou]

Khushbu hai wo to chhoo ke badan ko guzar na jaaye
jab tak mere wajood ke andar utar na jaaye

khud phool ne bhi honth kiye apne neem-vaa
chori tamaam rang ki titli ke sar na jaaye

iss khauf se wo saath nibhaane ke haq mein hai
khokar mujhe ye ladki kahee’n dukh se mar na jaaye

palko’n ko uss ki apne dupatte se ponch doon
kal ke safar mein aaj ki gard-e-safar na jaaye

main kiske haath bheju’n usse aaj ki dua
qaasid hawa sitaara koi uss ke ghar na jaaye.

Poet: Parveen Shakir

 

[farhan memon]

Aks-e khushboo hon bikharne se na roke koi,
Aur bikhar jaaon to mujh ko na samete koi.

Kaanp uthti hon main ye soch k tanhaayi main,
Mere chehre pe tera naam na parh le koi.

Jis tarah khuwaab mere ho gaye reza reza,
Us tarah se na kabhi toot k bikhre koi.!
Main to us din se hiraasaa’n hon k jab hukum mile,
Khushk phoolon ko kitaabon main na rakhe koi.

Ab to is raah se wo shakhs guzarta bhi nahin,
Ab kis umeed pe darwaaze se jhaanke koi?
Koi aahat, koi aawaz, koi chaap nahin,
Dil ki galiyaan barree sunsaan hain, aaye koi..

​

Bhout Khoob Very nice

 

[farhan memon]

Khushboo ki tarah dil ma basa kar use dekho

logon ki nigaahon se chupa kar use' dekho

Kehte hain ke yaad us ki wabaal_e_dil_o_jaan hai

Aisa hi agar hai to bhula kar use dekho

 

[mashraki.larka]

My Sharing on topic Kushbu @

ASlam-O-aliekum TM here is my sharing ..

hope u would like it .{(dancing)}

​

 

[TM~NuJiN~TM]

zabrdast he topic amreen g

 

[Dawn]

ASlam-O-aliekum TM here is my sharing ..

hope u would like it .{(dancing)}

​

bahot khoob tayyab mashaAllah

 

[mashraki.larka]

bahot khoob tayyab mashaAllah

thanks qasim

 

[Jahil]

Agar Kabhi Meri Yaad Aaye

Gureez Karti Hawa Ki Lehron Pe Haath Rakhna

Main Khushboun Main Tumhe Milonga

Mujhe Gulaabon Ki Pattiyon Main Talaash Karna

Main Oos Qatra Ke Aayenon Main Tumhe Milonga

Agar Sitaaron Main Oos Khushboun Main Na Paao Mujhko

To Apne Qadmon Main Dekh Lena

Main Gard Hoti Musafaton Main Tumhe Milonga

Kahin Pe Roshan Chiragh Dekho To Jaan Lena

Ke Har Patange Ke Saath Main Bhi Sulag Chuka Hon

Tum Apne Haaton Se Un Patango Ki Khaak Dariya Main Daal Dena

Main Khaak Ban Ker Samandar Main Safar Karunga

Kisi Na Dekhe Hoye Jazeere Pe Ruk Ke Tumhe Sadain Dunga

Samandaron Ke Safar Pe Niklo

To Us Jazeere Pe Kabhi Utarna!!​

 

[mashraki.larka]

Agar Kabhi Meri Yaad Aaye

Gureez Karti Hawa Ki Lehron Pe Haath Rakhna

Main Khushboun Main Tumhe Milonga

Mujhe Gulaabon Ki Pattiyon Main Talaash Karna

Main Oos Qatra Ke Aayenon Main Tumhe Milonga

Agar Sitaaron Main Oos Khushboun Main Na Paao Mujhko

To Apne Qadmon Main Dekh Lena

Main Gard Hoti Musafaton Main Tumhe Milonga

Kahin Pe Roshan Chiragh Dekho To Jaan Lena

Ke Har Patange Ke Saath Main Bhi Sulag Chuka Hon

Tum Apne Haaton Se Un Patango Ki Khaak Dariya Main Daal Dena

Main Khaak Ban Ker Samandar Main Safar Karunga

Kisi Na Dekhe Hoye Jazeere Pe Ruk Ke Tumhe Sadain Dunga

Samandaron Ke Safar Pe Niklo

To Us Jazeere Pe Kabhi Utarna!!​

good one amjad islam amjad ki khubsurat ghazal ..

 

[Just_Like_Roze]

​

Ta’zeer-E-ehtimaam-E-chaman kaun day gaya
Mujh ko gulaab jaisa kafan kaun day gaya
​

Daikhay jo khadd-O-khaal to socha hai baarhaa
Sehra ki chaaNdni ko badan kaun day gaya
​

​

​

Meri jabeeN ki saari lakeeraiN teri ataa
Lekin teri qaba ko shikan kaun day gaya​

​

​

Teray hunar mai khilwat-E-khushboo sahi magar
KaantoN ko umr bhar ki chubhan kaun day gaya​

​

​

Jungal say poochti haiN hawaaoN ki barhami
Jugnoo ko tairgi mai kiran kaun day gaya​

​

​

Kis ne basaaye aaNkh mai ashkoN kay qaaflay
Be-ghar musaafiroN ko watan kaun day gaya​

​

​

Tujh say to khair pal ki musaafat ka saath tha
Meray badan ko itni thakan kaun day gaya​

​

​

ToRa hai kis nay nok-E-sinaaN par sakoot-E-sabr
Lab bastagi ko taab-E-sukhan kaun day gaya​

​

​

‘Mohsin’ wo kaayinaat-e-ghazal hai ussay bhi daikh
Mujh say na pooch mujh ko yeh fun kaun day gaya
​