Tafreehmela bethak

[RedRose64]

RAT katti rahi ....
chand dhalta raha,
Aatish_E_hijar mein koi jalta raha,
ghar ki tanhayan dil ko dasti raheen,
koi bechain karwat badalta raha,
Aa_umeed ki shama roshan rahi,
ghar ki dehleez koi takta raha,
Rat bhar chandni gungunati rahi,
Rat bhar koi tanha sisakta raha,
Ashak palkon pe aa k bhikartay rahe,
Naam lab pe kissi ka larzata raha,
Aaj phir raat basar ho gai,
AJ phir koi khud se ulhajta raha.

 

[SaRkaR]

Aankhoon Mai Koi Khawab Uterny Nahi Deta

Ye Dil Keh Mujhy Chain Se Merny Nahi Deta

Bichery To Ajab Piyar Jatata Hai Khatoon Mai

Mil Jay To Phir Had Se Guzerny Nahi Deta

 

[Waqar Hussain]

bohaat khoob

 

[HINATA]

Ae Khuda Khush Rakhna Unhe Jise Main Pyar Kerta Hu,
Unki Mohbbat Pe Main Ye Jaan Bhi Nishar Karta Hu,
Hume Malum Hain Wo Yaad Karti Hain Harpal Tanhai Mein,
Isliye Hum Uske Na Aane Tak Chand Ka Didar Karte Hu.​

 

[SaRkaR]

un maiN apnay hi ghar ka pata likhh diya

ham nay jitnay muhabbat bharay khat likhhay

aik khat maiN likhha hasil-e-zindagi

dosray main tujhay be'wafa likhh diya

 

[Nelly]

aik sher sunaati hun badhe ghore se suno
mujhe sher nahin aata kisi aur se suno​

 

[Pari]

Banai Kya Khuda Ne Sohni
Surat Muhammad Ki
Howaye AShiq Wo Jisne
Daykhe Li Surat Muhammad Ki
Faqat AShiq Zulekha Thi
Khuda Khud Jis Pe Ashiq hay
Wo Surat Hay Muhammad Ki
Musalmano Ko Jab Janat Kay darwazay Pe Rokengay
Hukum Hoga Kay Janay Do Ye Ummat Hay Muhammad Ki
Banai Kya Khuda Ne Sohni
Surat Muhammad Ki
Howaye AShiq Wo Jisne
Daykhe Li Surat Muhammad Ki

 

[Nelly]

pari this is really nice i appreciate it
but mera sher to "O" pe hus tha{)^}){)^}){)^}){)^})

 

[Redvirus]

IK larki ko dekha to aisa laga jaisy.............................bhoot

 

[Pari]

IK larki ko dekha to aisa laga jaisy.............................bhoot

larki ko dekhte dekhte Mirror per nazar parh gie..

 

[Pari]

pari this is really nice i appreciate it
but mera sher to "O" pe hus tha{)^}){)^}){)^}){)^})

oh sorry maine wrong kardia.. well next time 'll folow the rules properly!!.

 

[SaRkaR]

Aaj tu maza aae ga......sab apni apni pasand ki ghazal share karein gein

 

[HINATA]

Ankhon se meri is liye laali nahin jati
Yaadon se koi raat jo khaali nahin jati

Ab umar na mosam na woh rastay ke woh paltay
Is dil ki magar khaam-Khayali nahin jati

Maange agar tu jaan bhi Hans kar tujhe de den
Teri to koi baat bhi taali nahin jati

Aaye koi aa kar tere dard sambhalay
Hum se to yeh jageer Sambhali nahin jati

Maloom hamen bhi hain tere qissay bohat se
Par baat teri hum se uchaali nahin jati

Humraah tere phool khilati thi jo dil main
Ab shaam wohi dard se khaali nahin jaati

Hum Jaan se jayen ge tabhi baat bane gi
Tum se to koi raah nikali nahin jati

Wasi Shah

 

[Huda]

na woh farishta ho na farishty jaisa ho
mujhy talash hai usski jo mery jaisa ho

mery khalos ko pehchanta ho bas kafi hai
wo koi bhi kahein bhi ho kaisa ho

agar kabhi roth jaon uss sy tou
muskura k galy laga k manaye wo aisa ho

dukhon main hansny ka hunar janta ho
ek aisa safar jo samandar ki tarhan gehra ho

umer bhar sath chaly wo aisa ho
mujhy talash hai usski jo mery jaisa ho

na wo farishta ho na fairishty jaisa ho...!!!!​

 

[SaRkaR]

Baaton Baaton Mian Bicharney Ka Ishara Karkey
Khud Bhi Roya Woh Buhat Ham Se Kinara Karkey

Sochta Rehta Hoon Tanhai Main Anjam-E-Khuloos
Phir Usi Jurm-E-Mohabbat Ko Dobara Karkey

Jagmaga Di Hain Terey Sheher Ki Galiyan Main Ne
Apney Askhon Ko Palkon Pe Sitara Karkey

Dekh Letey Hain Chalo Hosla Apne Dil Ka
Aur Kuch Roz Tere Saath Guzara Karkey

Aik Hi Sheher Main Rehna Hai Magar Milna Nahi
Dekhtey Hain Yeh Aziyat Bhi Gawara Karkey
​

 

[HaLaKOO]

 

[Nelly]

aa bhii jaao kii zindagii kam hai
tum nahii.n ho to har Khushii kam hai

vaadaa kar ke ye kaun aayaa nahii.n
shahar me.n aaj raushanii kam hai

jaane kyaa ho gayaa hai mausam ko
dhuup ziyaadaa hai chaa.Ndanii kam hai

aa_iinaa dekh kar Khayaal aayaa
aaj kal un kii dostii kam hai

tere dam se hii mai.n mukammal huu.N
bin tere terii 'Yamini' kam hai

​

 

[SaRkaR]

Jamal-e-Yaar ko Dekhoon, Kamal-e-Yaar se Pehlay,,
* Main Khushbu ki Trah Meh'koon, Khyal-e-Yaar se Pehlay..

¤ Karishmay Husn k Suraj, Sitaray, Phool Zahir hain,,
* Mgr Main kis Tarf Dekhoon, Misaal-e-Yaar se Pehlay..

¤ Duaon me Meri Yun to Boht Taaseer Hy Lekin,,
* Main Khuda se aur kya Mangoon, Swaal-e-Yaar se Pehlay..

¤ Hy Aadat Door Rehnay ki, Agr wo Saamnay Aaye,,
* Main Shaam-e-Zindagi Chahoon, Visaal-e-Yaar se Pehlay.

 

[pari11]

Kahin Milay To Ussay Kehna k............

[FONT=&quot]Kahin Milay To Ussay Kehna k..
kahin mile to usse kehna
ke tanha sawan bita chuka hoon
main saare armaan jala chuka hoon
jo sholay bharke the khuahishon ke
woh aansuon se bhuja chuka hoon..
'kahin mile to usay yeh kehna k'
bagair uske udaas hoon main
badalti rut ka qiyas hoon main
bhujade apni mohabbaton se
sulagti sadion ki piyas hoon main
'kahin mile to usay yeh kehna ke'
dia jo nafrat ka zehar usne
samajh ke amrit peeraha hoon
k bari mushkil se jeeraha hoon
'kahin mile to ussay yeh kehna k'
woh mere jazbe kuchal gaee hai
na badle mausam bhi itna jaldi
woh jitni jaldi badal gai hai
'kahin mile to ussay yeh kehna k'
fasl-e-nafrat gera raha hoon
gaye dino ko bhula raha hoon
woh apne vaade se phir gai
main apne vaade nibha raha hoon
'kahin mile to usay yeh kehna' k
na dil main koi malaal rakhe
hamesha apna khayal rakhe
apne saare gham mujh ko dede
tamam khushian sambhal rakhe
'kahi mile to usay yeh kehna.......
[/FONT]

 

[SaRkaR]

Hij'r ka taara dooba chala hai dhalne lagi hai raat aziz
Qatra qatra baras rahi hai aankhon ki barsaat aziz

ہجرکا تارا ڈُوب چلا ہے ڈھلنے لگی ہے رات عزیز
قطرہ قطرہ برس رہی ہے آنکھوں کی برسات عزیز

Tere baad mujh ko ye duniya waale paagal kar dein ge
Khushboo ke dais ma mujh ko le chal apne saath aziz

تیرے بعد مجھ کو یہ دُنیا والے پاگل کر دیں گے
خُوشبو کے دیس میں مجھ کو لے چل اپنے ساتھ عزیز

Yoon hi chup ki moh'r laga kar kab tak gum'sum baitho ge
Khaamoshi se dam ghut'ta hai chaiRo koi baat aziz

یوں ہی چپ کی مہر لگا کر کب تک گم سم بیٹھو گے
خاموشی سے دم گُھٹتا ہے چھیٹرو کوئی بات عزیز

Aaj to us ka chehra bhi kuch badla badla sa lagta hai
Maosam badla, duniya badli, badal gaye haalat aziz

آج تو اُس کا چہرہ بھی کُچھ بدلا بدلا سا لگتا ہے
موسم بدلا ،دنیا بدلی، بدل گئے حالات عزیز

Mere ghar ye khushboo ka raq's usii ke dam se hai
Us ke saath hi chali jaaye gi phoolon ki baarat aziz

میرے گھر یہ خُوشبو کا رقص اُسی کے دم سے ہے
اُس کے ساتھ ہی چلی جائی گئی پھولوں کی برسات عزیز

ChoR aziz ab un ki yaadein tujh ko paagal kar dein gi
Tu qatra hai, wo dariya hai, teri kya aoqaat aziz

چھوڑعزیز اب ان کی یادیں تجھ کو پاگل کر دیں گی
تو قطرہ ہے، وہ دریا ہے، تیری کیا اوقات عزیز​