teri ik nigah main aa gay

[goodfrndz]

jo utar kay zeena-e-shaam se teri chasm-e-khush main sama gay
wohi jalte bujhte chiragh se,  mere bam-o-dar ko saja gay

ye ajeeb khel hay peyar ka, main ne aap dekha ye moajza
woh jo lafz meray guma'n main the teri zuba'n pe aa gay

woh jo geet tum ne suna nahin, meri umar bhar ka reyaaz tha
mere dard ki thi woh dastaan jisay tum hansi main urha gay

woh chiragh-e-jaan kabhi jiski loo, na kisi hawa say nagoon hui
teri be wafai kay waswasay usay chupke chupke bujha gay

woh tha chand sham-e-wasal ka, ke tha roop tere jamal ka
meri rooh se meri aankh tak kisi roshni main naha gay

woh ajab phool se lafz the tere hont jis say mehak gay
mere dasht-e-khwab main door tak, koi bagh jesay laga gay

meri umar se na simat sake, mere dil main itne swal the
tere dil main jitne jawab the, teri ik nigah main aa gay

 

[nrbhayo]

khoob jee.....