Two OR Four Line Poetry

[NXXXS]

Lab pey dil e nakam ka ab naam na aye,
Kis kam ka wo dil jo kisi kam na aye..​

 

[Strangr]

Be-khaloos logoon se
ijtenab karna hai
mujh ko apne rishton ka
ehtasab karna hai,
Tum ko bhool jana hai
tum ko yaad rakhna hai
dukh to aik jaisa hai
intakhab karna hai…

 

[NXXXS]

Hazar shiddat e ghum sey udaas rehta hai,
Tera khayal magar dil kay pas rehta hai..

 

[Strangr]

Haan Yaad Aaya,
Uske Aakhri Alfaaz Yahi Thay....
..
Ab Jee Sako To Jee Lena,
Par Mar Jao To Behtar Hai...

 

[NXXXS]

Han suno dosto,
Jo bi dunya kahe,
Is ko parkhe bina, maan lena nahi
saari dunya ye kehti he,
Parbat pe charne ki nisbat utarna sehal he
Kis tarah maan len,
Tum ne dekha nahi,
Sarfarazi ki dhun me koi admi
Jab bulandi k raste pe chalta he to
Sans tak theek karne ko rukta nahi
Or isi shakhs ka,umar ki seeryo se utartey hue,
pao uthta nahi
Isi liye dosto!!!
Jo b duniya kahe,
Is ko parkhey bina,
Maan lena nahi,

 

[Strangr]

Apna samajh ke aap se karta hoon main gilaa,​

Mere hain aap mujh ko shikaayet hai aap se..​

 

[NXXXS]

Meri sochain badalti ja rahi hain,
Ke yeh cheezain badalti ja rahi hain,

 

[Strangr]

Yeh Sangdilon ki duniya hai yahan sunta nahi fariyad koi,
Yahan hastey hain log jab bhi hota hai barbaad koi..

 

[NXXXS]

Tamasha aik hai roz-e-azal se,
Fakat aankhain badalti ja rahi hain,

 

[Strangr]

Tu Hans Raha Hai Mujh Pe Mera Haal Daikh Ker,
Or Phir Bhi Main Shareek Tere Qehqahon Main Hoon..​

 

[NXXXS]

Badalte manzron ke aayine mein,
Teri yadain badalti ja rahi hain,

 

[Strangr]

Wo alam kashon ka milna wo nishat-o- gham k saaye.,
kabhi ro pada tabassum kabhi ashk muskuraaye..​

 

[NXXXS]

Adhoori, na’mukamma khawhishain kyon,
Neyi shaklain badati ja rahi hain,

 

[Strangr]

Sham Se Pehle talak Laakh Sulaaye Rakhen .,

Jaag Uth'ti Hai Mohabbat ki Anna Sham Ke Bad..

 

[NXXXS]

Najaney kyon mujhe lagta hai Amjad,
Ke woh nazrain badalti ja rahi hain..

 

[Strangr]

Imtehaan teri wafaaon ka abhi aaya hi nahi hai.,
deikheinge tu badalta hai to badalta hai kahaan tak..​

 

[NXXXS]

Dilon se mehr-o-wafaa, aankh se hayaa nikle,
To aese sheher ki galiyon mein koi kya nikle,

 

[Strangr]

So Baar Kaha Main Ne, Inkaar Hai Mohabbat Se.,

Har Baar Sada Aayi, Tu Dil Se Nahi Kehta…

 

[parri]

Main To Qayam Hun Teri Mohabbat Ki Badolat Wrna
Yun Bikhar Jaaon Ke Haath Na Aaon Apne

 

[NXXXS]

Kabhi Yoon Bhi To Ho
Dariyaa Kaa Saahil Ho
Poore Chaand Ki Raat Ho
Aur Tum Aao

Kabhi Yoon Bhi To Ho
Pariyon Ki Mahafil Ho
Koi Tumhaari Baat Ho
Aur Tum Aao

Kabhi Yoon Bhi To Ho
Ye Narm Mulaayam Thandi Havaayen
Jab Ghar Se Tumhaare Guzren
Tumhaari Khushboo Churaayen
Mere Ghar Le Aayen

Kabhi Yoon Bhi To Ho
Sooni Har Manzil Ho
Koi Na Mere Saath Ho
Aur Tum Aao

Kabhi Yoon Bhi To Ho
Ye Baadal Aisaa Toot Ke Barse
Mere Dil Ki Tarah Milne Ko
Tumhaaraa Dil Bhi Tarse
Tum Niklo Ghar Se

Kabhi Yoon Bhi To Ho
Tanhaai Ho, Dil Ho
Boonden Ho, Barsaat Ho
Aur Tum Aao
Kabhi Yoon Bhi To Ho