Ujre Hue Logon Se Gurezaa Na Hua Kar
Halaat Ki Qabron K Tu Kutbey Bhi Parha Kar
Kia Janye Kiun Taiz Hawa Soch Men Ghum Hai
Khuwabaida Parindon Ko Darakhton Se Uraa Kar
Us Shakhs K Tum Se Bhi Marasim Hein Tou Honge
Who Jhoot Na Boly Ga Mere Samney Aakar ,
Ab Dastakein De Ga Tu Kahan A Gham-E-Ehbaab
Men Ne Kaha Tha K Mere Dil Men Raha Kar ,
Wo Aaj Bhi Sadiyo Ki Musafat Pe Khara Hai
Dhudha Tha Jisay Waqt Ki Diwaar Gira Kar
Ae Dil Tujhe Dushman Ki Bhi Pehchan Kahan Hai
Tu Halqa-E-Yaraan Men Bhi Muhtat Raha Kar ,
Men Mar Bhi Chuka ,Mil Bhi Chuka Mouj-E-Hawa Men
Ab Rait K Seenay Pay Mera Naam Likha Kar
Pehla Sa Kahan Hai Ab Meri Raftaar Ka Aalam
A Gardish-E-Doraan Zar Tham Tham K Chala Kar ,
Is Rutt Men Kahan Phool Khilen Ge Dil-E-Nadaan
Zakhmon Ko He Wabasta Zanjeer-E-Saba Kar ,
Ik Rooh Ki Faryad Ne Chonka Diya Mujh Ko
Tu Ab Tou Mujhe Jism K Zindaan Se Reha Kar ,
Har Waqt Ka Hasna Tujhe Barbad Na Kar De
Tanhai K Lamhon Men Kabhi Ro Bhi Liya Kar
Is Shab K Muqaddar Men Sehar Hi Nahi Mohsin
Dekha Hai Kai Bar Charagon Ko Bujha Kar ..