Assalam u alaikum
Kese hain sab??
I'm sharing a beautiful nazam
Hope k ap sab ko pasand ayei
Ye azmat e batil dhoka hay, Ye satwat e kafir kuch bhi nhe
Mitti k khiloney hain sarey, Ye kufr k lashkar kuch bhi nhe
Allah se darne walon ko batil se darana mushkil hay
Gar khof e khuda ho dil me to kisra o qaisar kuch bhi nhe
Dastoor bhi hay, tanzeem bhi hay, tehzeeb bhi hay, taleem bhi hay
Qur'aan me pinhaa sab kuch hay Qur'aan se bahr kuch bhi nhe
Islam se koson door hain ye, millat k liye nasoor hain ye
Allah se baghi hain sare, mulkon k ye sarwar kuch bhi nhe
Afkar ghalat, kirdaar ghalat, bunyad ghalat, taameer ghalat
Mashriq k muqallid kaj roo hain maghrib k shinawar kuch bhi nhe
Islam agar manzoor nhe, Qur'aan agar dastoor nhe
Phir khak hay aesi aazadi par, ye mulk ye lashkar kuch bhi nhe
Islam se tujh ko quwwat hay, islam ko tujh se quwwat hay
Millat ka madawa is k siwa, aey jaan e mahshar kuch bhi nhe
Ye azmat e batil dhoka hay, Ye satwat e kafir kuch bhi nhe
Mitti k khiloney hain sarey, Ye kufr k lashkar kuch bhi nhe