is ka matlab hai keh america ab mukammal rehish chahta hai afghanistan main
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
يہ بات درست ہے کہ مزید امريکی فوجی افغانستان روانہ کيے جا رہے ہيں، تاہم يہ تاثر درست نہيں ہے کہ امريکہ افغانستان ميں مستقل قيام کا ارادہ رکھتا ہے۔ يہ بات بھی قابل توجہ ہے کہ ايک منتخب افغان حکومت ملک کی سلامتی کے ليے ذمہ دار ہے اور منتخب نمايندے اور قائدين ہی رياست کے معاملات چلا رہے ہيں۔ امريکی اور نيٹو افواج کی توجہ کا مرکز اور ان کا ہدف دہشت گرد گروہوں کے محفوظ ٹھکانے ہيں جو نا صرف يہ کہ مقامی آباديوں کے ليے براہراست خطرہ ہيں بلکہ افغانستان کی سرحدوں کے باہر بھی ان سے خطرات درپيش ہيں۔
گزشتہ کئ برسوں کے دوران امريکی حکومت نے افغانستان ميں فوج اور قانون نافذ کرنے والے اداروں کو تربيت، ساز وسامان اور تکنيکی معاونت کی مد ميں بے شمار وسائل فراہم کيے ہيں۔ ملک ميں قانون نافذ کرنے والے اداروں کو مزید فعال بنانا اور عام لوگوں کی حفاظت کو يقينی بنانے کے ليے رياستی دفاعی نظام کی اہليت ميں اضافہ بدستور ہماری اولين ترجيح ہے۔
يہ يقينی طور پر ايک کٹھن کام ہے جس ميں کئ چیلنجز بھی درپيش ہيں۔ ہم ان مشکلات کا ادراک بھی رکھتے ہيں اور ان سے نبرد آزما ہونے کے ليے مسلسل اپنے مقامی اتحاديوں اور شراکت داروں کے ساتھ مل کر کام کر رہے ہيں تا کہ عام شہريوں کی حفاظت کو يقينی بنايا جا سکے۔ پرتشدد انتہا پسندی کا خاتمہ ايک انتہائ اہم ہدف ہے جسے نامکمل چھوڑ دينا ممکن ہی نہيں ہے کيونکہ ايسی صورت ميں دہشت گرد گروہوں کو اس بات کا پورا موقع مل جاۓ گا کہ وہ دہشت گردی پر اپنی مبنی خونی مہم کو جاری رکھيں۔
اور آخر ميں يہ بھی واضح کر دوں کہ افغانستان ميں ہمارے اسٹريجک اتحاديوں کے ساتھ امريکی افواج کی موجودگی کسی بھی طور "قبضہ" قرار نہيں دی جا سکتی کيونکہ ہمارے پاس اقوام متحدہ کے مينڈيٹ کے ساتھ ساتھ سيکورٹی کونسل کی قرارداد اور عالمی برادری کی حمايت بھی موجود ہے۔
فواد – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ