◄↕ Urdu Shayeri Collection By Umer ◄↕

[Brilliant_Boy]

ملو ایسے کہ پهر تعظیم بهی افلاک سے آئے
ہماری خاک کی خوشبو تمہاری خاک سے آئے

 

[Brilliant_Boy]

یہ کون آ گیا رُخِ خنداں لئے ھوئے
عارض پہ رنگ و نُور کا طوفاں لئے ھوئے
بیمار کے قریب بصد شانِ احتیاط
دلدارئ نسیمِ بہاراں لئے ھوئے
رخسار پر لطیف سی اک موجِ سر خوشی
لب پر ھنسی کا نرم سا طوفاں لئے ھوئے
پیشائیء جمیل پہ انوارِ تمکنت
تابندگئ صبحِ درخشاں لئے ھوئے
زلفوں کے پیچ و خم میں بہاریں چُھپی ھوئیں
اک کاروانِ نگہتِ بُستاں لئے ھوئے
آ ھی گیا وہ میرا نگارِ نظر نواز
ظلمت کدے میں شمعِ فروزاں لئے ھوئے
اک اک ادا میں سینکڑوں پہلوئے دلدھی
اک اک نظر میں پُرسشِ پنہاں لئے ھوئے
میرے سوادِ شوق کا خورشیدِ نیم شب
عزمِ شکست ماہ جبیناں لئے ھوئے
درسِ سکون و صبر بہ ایں اھتمامِ ناز
نشتر زنئ جنبشِ مژگاں لئے ھوئے
آنکھوں سے ایک رَو سی نکلتی ھوئی ھر آن
غرقابئ حیات کا ساماں لئے ھوئے
مِلتی ھوئی نگاہ میں بجلی بھری ھوئی
کِھلتے ھوئے لبوں میں گلستاں لئے ھوئے
یہ کون ھے مجاز سے سرگرمِ گفتگو
دونوں ھتیلیوں پہ زنخداں لئے ھوئے

 

[Brilliant_Boy]

نور رگوں میں دوڑ جائے, پردۂ دل جلا تو دو
دیکھنا رقص پھر مرا, پہلے نقاب اٹھا تو دو
میرے مکاں میں تم مکیں, میں ہوں مکاں سے بے خبر
ڈھونڈ ہی لوں گا میں تمہیں, مجھ کو مرا پتہ تو دو

 

[Brilliant_Boy]

ﻣﯿﺮﯼ ﺍﻧﺎ ﻧﮯ ﮨﯽ ﮔﻨﻮﺍﺭﺍ ﻧﮧ ﮐﯿﺎ ____ﻭﺭﻧﮧ ,
ﻣﯿﺮﯼ ﭼﻨﺪ ﺩﻋﺎﺅﮞ ﮐﯽ ﻣﺎﺭ ﺗﮭﺎ ﻭﮦ ﺷﺨﺺ.....

 

[Brilliant_Boy]

میں اکثر شام کے منظر سے لرزتا اس لئے بھی ھوں،
افق پر ڈوبتا سورج میرا انجام لگتا ھے۔

 

[Brilliant_Boy]

یوں تصور میں برستی ہیں پرانی یادیں
جیسے برسات میں رم جھم کا سماں ہوتا ھے

 

[Brilliant_Boy]

یہ فیضِ عام شیوہ کہاں تھا نسیم کا
آخر غلام ہوں میں تمہارا قدیم کا

پیمانِ ترکِ جاہ لیا پیرِ دیر نے
پیمانہ دے کے بادہء عنبر شمیم کا

 

[Brilliant_Boy]

آج تجھے کیوں چپ سی لگی ھے
کچھ تو بتا کیا بات ھوئی ھے

 

[Brilliant_Boy]

یار بھی راہ کی دیوار سمجھتے ہیں مجھے
میں سمجھتا تھا میرے یار سمجھتے ہیں مجھے

میں تو یوں چُپ ہوں کہ اندر سے بہت خالی ہوں
اور سب لوگ پُر اسرار سمجھتے ہیں مجھے

 

[Brilliant_Boy]

یہاں خوابوں کی ارزانی بہت ہے
اس آبادی میں ویرانی بہت ہے
سروں پر خواب اوڑھے جا رہے ہیں
یہاں سورج کی تابانی بہت ہے

 

[Brilliant_Boy]

یہ جو پتھروں میں چھپی ہوئی ہے شبیہ، یہ بھی کمال ہے
وہ جو آئینے میں ہمک رہا ہے وہ معجزہ بھی تو دیکھتے

جو ہوا کے رخ پہ کھلے ہوئے ہیں وہ بادباں تو نظر میں ہیں
وہ جو موج خوں سے الجھ رہا ہے وہ حوصلہ بھی تو دیکھتے

 

[Brilliant_Boy]

یہ خیال کیسا تھا جو روح تک میں اتر جائے
یہ وجود کیسا وجود تھا جسے اب تک میں نہ سمجھ سکا

 

[Brilliant_Boy]

نہیں کہ تجھ سے بچھڑ کے دنیا اجڑ گئی ہو
یہی کہ دِل بُجھ گیا ذرا سا ملال گزرا
میں تیرے ملنے کو معجزہ کہہ رہا تھا لیکن
تیرے بچھڑنے کا سانحہ بھی کمال گزرا

 

[Brilliant_Boy]

یہ تو دیکھو کہ تمہیں لوٹ لیا ہے اس نے
اک تبسم پہ خریدار کے گن گاتے ہو

 

[Brilliant_Boy]

وہ تو کھویا ہے کہیں باطن میں
ہم جسے اپنے بروں ڈھونڈتے ہیں

ہم کہ ترسی ہوئی شریانیں ہیں
اور اک قطرہ خوں ڈھونڈتے ہیں

 

[Brilliant_Boy]

نہ پوچھو زندگی کتنی کڑی ہے
سمجھ لو موت سینے میں گڑی ہے

لیے پھرتے ہیں سب اپنے جنازے
سبھی کو اپنی قبروں کی پڑی ہے

 

[Brilliant_Boy]

یہاں پہلے ہی کچھ جاں سوختہ بیٹھے تھے آزردہ
میں کس محفل میں اپنے دل جلے اشعار لے آیا

 

[Brilliant_Boy]

اپنی آشفتہ مزاجی پہ ہنسی آتی ہے
دشمنی سنگ سے اور کانچ کا پیکر رکھنا

آس کب نہیں تھی دل کو تیرے آ جانے کی
پر نہ ایسی کہ قدم گھر سے نہ باہر رکھنا

 

[Brilliant_Boy]

یارب کسی کے رازِ محبت کی خیر ہو
دستِ جنوں رہے نہ رہے، آستیں رہے

دردِ غمِ فراق کے یہ سخت مرحلے
حیراں ہوں میں کہ پھر بھی تم، اتنے حسیں رہے

 

[Brilliant_Boy]

اکیلے ہم ہی رہے اپنے صدقِ دل کی طرح
گواہیوں میں سب اہلِ دیار اس کے ہوئے