Ibn-e- Insha Poetry Collection

[AnadiL]

​

ہم ہیں آوارہ سُو بسُو لوگو
جیسے جنگل میں رنگ و بُو لوگو

ساعتِ چند کے مسافر سے
کوئی دم اور گفتگو لوگو

تھے تمہاری طرح کبھی ہم لوگ
گھر ہمارے بھی تھے کبھو لوگو

ایک منزل سے ہو کے آئے ہیں
ایک منزل ہے رُوبُرو لوگو

وقت ہوتا تو آرزو کرتے
جانے کس شے کی آرزو لوگو

تاب ہوتی تو جتسجُو کرتے
اب تو مایوس جستجُو لوگو​

 

[AnadiL]

​

مدت ہوئی میں چھوٹا سا اک بچہ تھا
راہ میں مجھ کو اک جوگی نے روکا تھا
تھامے میری ہتھیلی کو
بُوجھے جیسے کسی پہیلی کو
کچھ دیر وہ تکتا رہا اور کہنے لگا
یہ جو تیرے ہاتھ کی ریکھا ہے
میں نے اس میں تیرا جیون دیکھا ہے
تیرا دل اک سندر ناری توڑے گی
اک سپنا بھی تیرے پاس نہ چھوڑے گی
تو پھرے گا در در اس کے لیے
مر جائے گا ندی کنارے اس کے لیے
دکھ کا اتنا لمبا ساتھ نہیں دیکھا
میں نے اب تلک ایسا ہاتھ نہیں دیکھا
دکھ ہی دکھ تیرے حصے میں آیا ہے
انشا! یہ تو کیا لکھوا کر لایا ہے؟
​

 

[AnadiL]

ہو نہ دنیا میں کوئی ہم سا بھی پیاسا لوگو
جی میں آتا ہے کہ پی جائیں یہ دریا لوگو

کتنی اس شہرکے سخیوں کی سنی تھی باتیں
ہم جو آئے توکسی نےبھی نا پوچھا لوگو

اب کوئی آئے تو کہنا مسافر تو گیا
یہ بھی کہنا کہ بھلااب بھی نا جاتا لوگو

چند حرفوں کا معمہ تھا وہ الجھاسلجھا
اس نے تو نام بھی پورا نا بتایا لوگو

راہ تکتے ہوئے پتھرا سی گئی تھی آنکھیں
آہ بھرتےہوئےچھلنی ہوا سینہ لوگو

ہونٹ جلتےتھے جو لیتا تھا کبھی آپ کا نام
اس طرح اور کسی کو نہ ستانا لوگو
​

 

[AnadiL]

یہ باتیں جھوٹی باتیں ہیں، یہ لوگوں نے پھیلائی ہیں
تم انشا جی کا نام نہ لو کیا انشا جی سودائی ہیں

ہیں لاکھوں روگ زمانے میں ، کیوں عشق ہے رسوا بیچارا
ہیں اور بھی وجہیں وحشت کی ، انسان کو رکھتیں دکھیارا
ہاں بے کل بےکل رہتا ہے ، ہو پیت میں جس نے جی ہارا
پر شام سے لے کر صبح تلک یوں کون پھرے گا آوارہ
یہ باتیں جھوٹی باتیں ہیں، یہ لوگوں نے پھیلائی ہیں
تم انشا جی کا نام نہ لو کیا انشا جی سودائی ہیں

یہ بات عجیب سناتے ہو ، وہ دنیا سے بے آس ہوئے
اک نام سنا اور غش کھایا ، اک ذکر پہ آپ اداس ہوئے
وہ علم میں افلاطون سنے، وہ شعر میں تلسی داس ہوئے
وہ تیس برس کے ہوتے ہیں ، وہ بی-اے،ایم-اے پاس ہوئے
یہ باتیں جھوٹی باتیں ہیں، یہ لوگوں نے پھیلائی ہیں
تم انشا جی کا نام نہ لو کیا انشا جی سودائی ہیں

گر عشق کیا ہے تب کیا ہے، کیوں شاد نہیں آباد نہیں
جو جان لیے بن ٹل نہ سکے ، یہ ایسی بھی افتاد نہیں
یہ بات تو تم بھی مانو گے، وہ قیس نہیں فرہاد نہیں
کیا ہجر کا دارو مشکل ہے؟ کیا وصل کے نسخے یاد نہیں؟
یہ باتیں جھوٹی باتیں ہیں، یہ لوگوں نے پھیلائی ہیں
تم انشا جی کا نام نہ لو کیا انشا جی سودائی ہیں

وہ لڑکی اچھی لڑکی ہے، تم نام نہ لو ہم جان گئے
وہ جس کے لانبے گیسو ہیں، پہچان گئے پہچان گئے
ہاں ساتھ ہمارے انشا بھی اس گھر میں تھے مہمان گئے
پر اس سے تو کچھ بات نہ کی، انجان رہے، انجان گئے
یہ باتیں جھوٹی باتیں ہیں، یہ لوگوں نے پھیلائی ہیں
تم انشا جی کا نام نہ لو کیا انشا جی سودائی ہیں​

 

[AnadiL]

​

ﺍﺱ ﺑﺴﺘﯽ ﮐﮯ ﺍﮎ ﮐﻮﭼﮯ ﻣﯿﮟ ﺍﻧﺸﺎﺀ ﻧﺎﻡ ﮐﺎ ﺩﯾﻮﺍﻧﺎ
ﺍﮎ ﻧﺎﺭ ﭘﮧ ﺟﺎﻥ ﮐﺮ ﮨﺎﺭ ﮔﯿﺎ، ﻣﺸﮩﻮﺭ ﮨﮯ ﺍﺳﮑﺎ ﺍﻓﺴﺎﻧﮧ

ﺍﺱ ﻧﺎﺭ ﻣﯿﮟ ﺍﯾﺴﺎ ﺭﻭﭖ ﻧﮧ ﺗﮭﺎ، ﺟﺲ
ﺭﻭﭖ ﺳﮯ ﺩﻥ ﮐﯽ ﺩﮬﻮﭖ ﺩﺑﮯ
ﺍﺱ ﺷﮩﺮ ﻣﯿﮟ ﮐﯿﺎ ﮐﯿﺎ ﮔﻮﺭﯼ ﮨﮯ، ﻣﮩﺘﺎﺏ
ﺭﺧﮯ ﮔﻠﻨﺎﺭ ﻟﺒﮯ
ﮐﭽﮫ ﺑﺎﺕ ﺗﮭﯽ ﺍﺱ ﮐﯽ ﺑﺎﺗﻮﮞ ﻣﯿﮟ،
ﮐﭽﮫ ﺑﮭﯿﺪ ﺗﮭﮯ ﺍﺱ ﮐﮯ ﭼﺘﻮﻥ ﻣﯿﮟ
ﻭﮨﯽ ﺑﮭﯿﺪ ﮐﮯ ﺟﻮﺕ ﺟﮕﺎﺗﮯ ﮨﯿﮟ، ﮐﺴﯽ
ﭼﺎﮨﻨﮯ ﻭﺍﻟﮯ ﮐﮯ ﻣﻦ ﻣﯿﮟ
ﺍﺳﮯ ﺍﭘﻨﺎ ﺑﻨﺎﻧﮯ ﮐﯽ ﺩﮬﻦ ﻣﯿﮟ، ﮨﻮﺍ ﺁﭖ ﮨﯽ
ﺁﭖ ﺳﮯ ﺑﯿﮕﺎﻧﺎ

ﺍﺱ ﺑﺴﺘﯽ ﮐﮯ ﺍﮎ ﮐﻮﭼﮯ ﻣﯿﮟ ﺍﻧﺸﺎﺀ ﻧﺎﻡ ﮐﺎ ﺩﯾﻮﺍﻧﺎ

ﻧﺎ ﭼﻨﭽﻞ ﮐﮭﯿﻞ ﺟﻮﺍﻧﯽ ﮐﮯ، ﻧﺎ ﭘﯿﺎﺭ ﮐﯽ
ﺍﻟﮭﮍ ﮔﮭﺎﺗﯿﮟﺗﮭﯿﮟ
ﺑﺲ ﺭﺍﮦ ﻣﯿﮟ ﻣﻠﻨﺎ ﺗﮭﺎ، ﯾﺎ ﻓﻮﻥ ﭘﮧ ﺍﻥ ﮐﯽ ﺑﺎﺗﯿﮟ ﺗﮭﯿﮟ
ﺍﺱ ﻋﺸﻖ ﭘﮧ ﮨﻢ ﺑﮭﯽ ﮨﻨﺴﺘﮯ ﺗﮭﮯ، ﺑﮯ
ﺣﺎﺻﻞ ﺳﺎ ﺑﮯ ﺣﺎﺻﻞ ﺗﮭﺎ؟
ﺍﮎ ﺯﻭﺭ ﺑﭙﮭﺮﺗﮯ ﺳﺎﮔﺮ ﻣﯿﮟ، ﻧﺎ ﮐﺸﺘﯽ
ﺗﮭﯽ ﻧﺎ ﺳﺎﺣﻞ ﺗﮭﺎ
ﺟﻮ ﺑﺎﺕ ﺗﮭﯽ ﺍﻥ ﮐﮯ ﺟﯽ ﻣﯿﮟ ﺗﮭﯽ، ﺟﻮ
ﺑﮭﯿﺪ ﺗﮭﺎ ﯾﮑﺴﺮ ﺍﻧﺠﺎﻧﺎ

ﺍﺱ ﺑﺴﺘﯽ ﮐﮯ ﺍﮎ ﮐﻮﭼﮯ ﻣﯿﮟ ﺍﻧﺸﺎﺀ ﻧﺎﻡ ﮐﺎ ﺩﯾﻮﺍﻧﺎ

ﺍﮎ ﺭﻭﺯ ﻣﮕﺮ ﺑﺮﮐﮭﺎ ﺭﺕ ﻣﯿﮟ، ﻭﮦ
ﺑﮭﺎﺩﻭﮞ ﺗﮭﯽ ﯾﺎ ﺳﺎﻭﻥ ﺗﮭﺎ
ﺩﯾﻮﺍﺭ ﭘﮧ ﺑﯿﭻ ﺳﻤﻨﺪﺭﮐﮯ، ﯾﮧ ﺩﯾﮑﮭﻨﮯ
ﻭﺍﻟﻮﮞ ﻧﮯ ﺩﯾﮑﮭﺎ
ﻣﺴﺘﺎﻧﮧ ﮨﺎﺗﮫ ﻣﯿﮟ ﮨﺎﺗﮫ ﺩﯾﺌﮯ، ﯾﮧ ﺍﮎ ﮐﮕﺮ
ﭘﮧ ﺑﯿﭩﮭﮯ ﺗﮭﮯ
ﯾﻮﮞ ﺷﺎﻡ ﮨﻮﺋﯽ ﭘﮭﺮ ﺭﺍﺕ ﮨﻮﺋﯽ، ﺟﺐ
ﺳﯿﻼﻧﯽ ﮔﮭﺮ ﻟﻮﭦ ﮔﺌﯿﮯ
ﮐﯿﺎ ﺭﺍﺕ ﺗﮭﯽ ﻭﮦ، ﺟﯽ ﭼﺎﮨﺘﺎ ﮨﮯ ﺍﺱ ﺭﺍﺕ
ﭘﮧ ﻟﮑﮭﯿﮟ ﺍﻓﺴﺎﻧﺎ

ﺍﺱ ﺑﺴﺘﯽ ﮐﮯ ﺍﮎ ﮐﻮﭼﮯ ﻣﯿﮟ ﺍﻧﺸﺎﺀ ﻧﺎﻡ ﮐﺎ ﺩﯾﻮﺍﻧﺎ

ﮨﺎﮞ ﻋﻤﺮ ﮐﺎ ﺳﺎﺗﮫ ﻧﺒﮭﺎﻧﮯ ﮐﮯ ﺗﮭﮯ ﻋﮩﺪ ﭘﯿﻤﺎﮞ ﺑﮩﺖ
ﻭﮦ ﺟﻦ ﭘﮧ ﺑﮭﺮﻭﺳﮧ ﮐﺮﻧﮯ ﻣﯿﮟ ﮐﭽﮫ
ﺳﻮﺩ ﻧﮩﯿﮟ، ﻧﻘﺼﺎﻥ ﺑﮩﺖ
ﻭﮦ ﻧﺎﺭ ﯾﮧ ﮐﮩﮧ ﮐﺮ ﺩﻭﺭ ﮨﻮﺋﯽ، "ﻣﺠﺒﻮﺭﯼ
ﺳﺎﺟﻦ ﻣﺠﺒﻮﺭﯼ"
ﯾﮧ ﻭﺣﺸﺖ ﺳﮯ ﺭﻧﺠﻮﺭ ﮨﻮﺋﮯ ﺍﻭﺭ ﺭﻧﺠﻮﺭﯼ
ﺳﯽ ﺭﻧﺠﻮﺭﯼ ﮨﮯ؟
ﺍﺱ ﺭﻭﺯ ﮨﻤﯿﮟ ﻣﻌﻠﻮﻡ ﮨﻮﺍ، ﺍﺱ ﺷﺨﺺ
ﮐﺎ ﻣﺸﮑﻞ ﺳﻤﺠﮭﺎﻧﺎ

ﺍﺱ ﺑﺴﺘﯽ ﮐﮯ ﺍﮎ ﮐﻮﭼﮯ ﻣﯿﮟ ﺍﻧﺸﺎﺀ ﻧﺎﻡ ﮐﺎ ﺩﯾﻮﺍﻧﺎ

ﮔﻮ ﺁﮒ ﺳﮯ ﭼﮭﺎﺗﯽ ﺟﻠﺘﯽ ﺗﮭﯽ، ﮔﻮ
ﺁﻧﮑﮫ ﺳﮯ ﺩﺭﯾﺎ ﺑﮩﺘﺎ ﺗﮭﺎ
ﮨﺮ ﺍﯾﮏ ﺳﮯ ﺩﮐﮫ ﻧﺎ ﮐﮩﺘﺎ ﺗﮭﺎ، ﭼﭗ ﺭﮨﺘﺎ
ﺗﮭﺎ ﻏﻢ ﺳﮩﺘﺎ ﺗﮭﺎ
ﻧﺎﺩﺍﻥ ﮨﯿﮟ ﻭﮦ ﭼﮭﯿﮍﺗﮯ ﮨﯿﮟ، ﺍﺱ ﻋﺎﻟﻢ
ﻣﯿﮟ ﻧﺎﺩﺍﻧﻮﮞ ﮐﻮ
ﺍﺱ ﺷﺨﺺ ﺳﮯ ﺍﯾﮏ ﺟﻮﺍﺏ ﻣﻼ، ﺳﺐ
ﺍﭘﻨﻮﮞ ﮐﻮ ﺑﯿﮕﺎﻧﻮﮞ ﮐﻮ
ﮐﭽﮫ ﺍﻭﺭ ﮐﮩﻮﮞ ﺗﻮ ﺳﻨﺘﺎ ﮨﻮﮞ۔ ﺍﺱ ﺑﺎﺏ
ﻣﯿﮟ ﮐﭽﮫ ﻣﺖ ﻓﺮﻣﺎﻧﺎ

ﺍﺱ ﺑﺴﺘﯽ ﮐﮯ ﺍﮎ ﮐﻮﭼﮯ ﻣﯿﮟ ﺍﻧﺸﺎﺀ ﻧﺎﻡ ﮐﺎ ﺩﯾﻮﺍﻧﺎ

ﺍﺏ ﺁﮔﮯ ﮐﺎ ﺗﺤﻘﯿﻖ ﻧﮩﯿﮟ، ﮔﻮ ﺳﻨﺘﮯ ﮨﻮ ﮨﻢ
ﺳﻨﺘﮯ ﺗﮭﮯ
ﺍﺱ ﻧﺎﺭ ﮐﯽ ﺟﻮ ﺟﻮ ﺑﺎﺗﯿﮟ ﺗﮭﯿﮟ، ﺍﺱ ﻧﺎﺭ
ﮐﮯ ﺟﻮ ﺟﻮ ﻗﺼﮯ ﺗﮭﮯ
ﺍﮎ ﺷﺎﻡ ﮐﻮ ﺍﺱ ﮐﻮ ﺑﻠﻮﺍﯾﺎ ﮐﭽﮫ
ﺳﻤﺠﮭﺎﯾﺎ ﺑﯿﭽﺎﺭﮮ ﻧﮯ
ﺍﺱ ﺭﺍﺕ ﯾﮧ ﻗﺼﮧ ﭘﺎﮎ ﮐﯿﺎ، ﮐﭽﮫ ﮐﮩﮧ
ﮨﯽ ﻟﯿﺎ ﺩﮐﮭﯿﺎﺭﮮ ﻧﮯ
ﮐﯿﺎ ﺑﺎﺕ ﮨﻮﺋﯽ، ﮐﺲ ﻃﻮﺭ ﮨﻮﺋﯽ؟ﺍﺧﺒﺎﺭ
ﺳﮯ ﻟﻮﮔﻮﮞ ﻧﮯ ﺟﺎﻧﺎ

ﺍﺱ ﺑﺴﺘﯽ ﮐﮯ ﺍﮎ ﮐﻮﭼﮯ ﻣﯿﮟ ﺍﻧﺸﺎﺀ ﻧﺎﻡ
ﮐﺎ ﺩﯾﻮﺍﻧﺎ

ﮨﺮ ﺑﺎﺕ ﮐﯽ ﮐﮭﻮﺝ ﺗﻮ ﭨﮭﯿﮏ ﻧﮩﯿﮟ، ﺗﻢ ﮨﻢ
ﮐﻮ ﮐﮩﺎﻧﯽ ﮐﮩﻨﮯ ﺩﻭ
ﺍﺱ ﻧﺎﺭ ﮐﺎ ﻧﺎﻡ ﻣﻘﺎﻡ ﮨﮯ ﮐﯿﺎ، ﺍﺱ ﺑﺎﺕ ﭘﮧ
ﭘﺮﺩﮦ ﺭﮨﻨﮯ ﺩﮦ
ﮨﻢ ﺳﮯ ﺑﮭﯽ ﺗﻮ ﺳﻮﺩﺍ ﻣﻤﮑﻦ ﮨﮯ، ﺗﻢ
ﺳﮯ ﺑﮭﯽ ﺟﻔﺎ ﮨﻮﺳﮑﺘﯽ ﮨﮯ
ﯾﮧ ﺍﭘﻨﺎ ﺑﯿﺎﮞ ﮨﻮ ﺳﮑﺘﺎ ﮨﮯ، ﯾﮧ ﺍﭘﻨﯽ ﮐﺘﮭﺎ ﮨﻮ
ﺳﮑﺘﯽ ﮨﮯ
ﻭﮦ ﻧﺎﺭ ﺑﮭﯽ ﺁﺧﺮ ﭘﭽﮭﺘﺎﺋﯽ، ﮐﺲ ﮐﺎﻡ ﮐﺎ
ﺍﯾﺴﺎ ﭘﭽﮭﺘﺎﻧﺎ؟

ﺍﺱ ﺑﺴﺘﯽ ﮐﮯ ﺍﮎ ﮐﻮﭼﮯ ﻣﯿﮟ ﺍﻧﺸﺎﺀ ﻧﺎﻡ
ﮐﺎ ﺩﯾﻮﺍﻧﺎ

ﺍﺱ ﺑﺴﺘﯽ ﮐﮯ ﺍﮎ ﮐﻮﭼﮯ ﻣﯿﮟ ﺍﻧﺸﺎﺀ ﻧﺎﻡ
ﮐﺎ ﺩﯾﻮﺍﻧﺎ​

 

[AnadiL]

تھوڑی کڑوی ضرور ہے بابا
اپنے غم کا مگر مداوا ہے
ذائقہ کا قصور ہے بابا
تلخ و شیریں میں فاصلہ کیا ہے
رنگ و روغن کو سال و سن کو نہ دیکھ
پیڑ گننا کہ آم کھانا ہے
عمر گزری ہے خانقاہوں میں
ایک شب یاں گزار جانا ہے
حسن مختوم خوب تھا بابا
کاش حصے میں آپ کے آسکتا
عشق معصوم کیا کہا بابا
کاش میں یہ فریب کھاسکتا
حسن کا مل عیار عشق نفیس
سب مراحل سے گزر چکا ہوں میں
دل خریدا تھا کبھی ان کا
اب فقط اتنا جانتا ہوں میں
ایک رنگین خواب تھے بابا
موجہ ہائے سراب تھے بابا
ورنہ سرحد پہ تشنہ کامی کی
مئے رنگیں ہے سادہ پانی ہے
شرط حسن و وفا اضافی ہے
قید تسکین نفس کافی ہے​

​

 

[AnadiL]

​

ہم نے کل جب دل کو چیرا
صبر کا پایا ختم ذخیرہ
جیب میں بھی اب پونڈ نہ لیرہ
ہائے بشیرا ہائے بشیرا
جب ہم دس کا نوٹ دِکھائیں
تب اک گوشت کا ٹکڑا پائیں
وہ بھی اونٹ کے منہ میں زیرہ
ہائے بشیرا ہائے بشیرا
ساڑھے چھ میں اک خربوزہ
آٹھ روپے میں آدھا چوزہ
ڈیڑھ روپے کا چھوٹا کھیرہ
ہائے بشیرا ہائے بشیرا
ہوٹل ووٹل ٹیکسیاں کاریں
سبھی ہماری کھال اُتاریں
جان کے آغا خاں کا نبیرہ
ہائے بشیرا ہائے بشیرا
سات روپے میں بال کٹا کر
گھاٹ پہ خود لادی لے جاکر
روئے بیٹھ کے بھگت کبیرہ
ہائے بشیرا ہائے بشیرا
کون ہمارا شو چمکائے
صبح سویرے چائے لائے
دل اپنا بے حد دلگیرا
ہائے بشیرا ہائے بشیرا
تن میں اپنے جان نہیں ہے
منہ میں اپنے پان نہیں ہے
کیسا زردہ ؟کون خمیرہ؟
ہائے بشیرا ہائے بشیرا
جان بچے تو لاکھوں پائیں
خیر سے اب ہم گھر کو جائیں
دیکھ لیا یورپ کا وطیرہ
ہائے بشیرا ہائے بشیرا​

 

[AnadiL]

​

ہم لوگوں نے عشق ایجاد کیا
جب دہر کے غم سے اماں نہ ملی، ہم لوگوں نے عشق ایجاد کیا
کبھی شہر بتاں میں خراب پھرے، کبھی دشت جنوں آباد کیا


کبھی بستیاں بن، کبھی کوہ و دمن، رہا کتنے دنوں یہی جی کا چلن
جہاں*حسن ملا وہاں بیٹھ رہے، جہان پیار ملا وہاں صاد کیا


شب ماہ میں جب بھی یہ درد اٹھا، کبھی بیت کہے(لکھی چاند نگر)
کبھی کوہ سے جا سر پھوڑ مرے، کبھی قیس کو جا استاد کیا


یہی عشق با لآخر روگ بنا، کہ ہے چاہ کے ساتھ بجوگ بنا
جسے بننا تھا عیش، وہ سوگ بنا، بڑا من کے نگر میں فساد کیا


اب قربت و صحبت یار کہاں، لب و عارض و زلف و کنار کہاں
اب اپنا بھی میر سا عالم ہے، ٹک دیکھ لیا جی شاد کیا​

 

[AnadiL]

Share on twitter​

​

More Sharing Services​

​

0​

​

تم اس لڑکی کو دیکھتے ہو
تم اس لڑکی کو جانتے ہو
وہ اجلی گوری ؟ نہیں نہیں
وہ مست چکوری نہیں نہیں
وہ جس کا کرتا نیلا ہے ٘؟
وہ جس کا آنچل پیلا ہے ؟
وہ جس کی آ نکھ پہ چشمہ ہے
وہ جس کے ماتھے ٹیکا ہے
ا ن سب سے الگ ا ن سب سے پرے
وہ گھاس پہ نیچے بیلوں کے
کیا گول مٹول سا چہرہ ہے
جو ہر دم ہنستا رہتا ہے
کچھ چتان ہیں البیلے سے
کچھ ا س کے نین نشیلے سے
ا س وقت مگر سوچوں میں مگن
وہ سانولی صورت کی ناگن
کیا بے خبرانہ بیٹھی ہے
یہ گیت اسی کا در پن ہے
یہ گیت ہمارا جیون ہے
ہم ا س ناگن کے گھائل تھے
ہم اس کے مسائل تھے
جب شعر ہماری سنتی تھی
خا موش دوپٹا چنتی تھی
جب وحشت ا سے سستاتی تھی
کیا ہرنی سی بن جاتی تھی
یہ جتنے بستی والے تھے
ا س چنچل کے متوالے تھے
ا س گھر میں کتنے سالوں کی
تھی بیٹھک چاہنے والوں کی
گو پیار کی گنگا بہتی تھی
وہ نار ہی ہم سے کہتی تھی
یہ لوگ تو محض سہارے ہیں
ا نشا جی ہم تو تمہارے ہیں
ا ب ا ور کسی کی چاہت کا
کرتی ہے بہانا ۔۔۔ بیٹھی ہے
ہم نے بھی کہا دل نے بھی کہا
دیکھو یہ زمانہ ٹھیک نہیں
یوں پیار بڑھانا ٹھیک نہیں
نا دل مانا ، نا ہم مانے
ا نجام تو سب دنیا والے جانے
جو ہم سے ہماری وحشت کا
سنتی ہے فسانہ بیٹھی ہے
ہم جس کے لئے پردیس پھریں
جوگی کا بدل کر بھیس پھریں
چاہت کے نرالے گیت لکھیں
جی موہنے والے گیت لکھیں
ا س شہر کے ایک گھروندے میں
ا س بستی کے اک کونے میں.
کیا بے خبرا نہ بیٹھی ہے
ا س درد کو ا ب چپ چاپ سہو
انشا جی لہو تو ا س سے کہو
جو چتون کی شکلوں میں لیے
آنکھوں میں لیے ،ہونٹوں میں لیے
خوشبو کا زمانہ بیٹھی ہے
لوگ آپ ہی آپ سمجھ جائیں
کیوں نام ہم ا س کا بتلائیں
ہم جس کے لیے پردیس پھرے
چاہت کے نرالے گیت لکھے
جی موہنے والے گیت لکھے
جو سب کے لیے دامن میں بھرے
خوشیوں کا خزانہ بیٹھی ہے
جو خار بھی ہے ا ور خوشبو بھی
جو درد بھی ہے ا ور دار و بھی
لوگ آپ ہی آپ سمجھ جائیں
کیوں نام ہم ا س کا بتلائیں
وہ کل بھی ملنے آئی تھی
وہ آج بھی ملنے آئی ہے
جو ا پنی نہیں پرائی ہے
​

 

[AnadiL]

جب دہر کے غم سے اماں نہ ملی، ہم لوگوں نے عشق ایجاد کیا
کبھی شہر بتاں میں خراب پھرے، کبھی دشتِ جنوں آباد کیا

کبھی بستیاں بن، کبھی کوہ و دمن، رہا کتنے دنوں یہی جی کا چلن
جہاں حسن ملا وہاں بیٹھ رہے، جہاں پیار ملا وہاں صاد کیا

شبِ ماہ میں جب بھی یہ درد اٹھا، کبھی بیت کہے (لکھی چاند نگر)
کبھی کوہ سے جا سر پھوڑ مرے، کبھی قیس کو جا استاد کیا

یہی عشق بالآخر روگ بنا، کہ ہے چاہ کے ساتھ بجوگ بنا
جسے بننا تھا عیش وہ سوگ بنا، بڑا من کے نگر میں فساد کیا

اب قربت و صحبت یار کہاں، لب و عارض و زلف و کنار کہاں
اب اپنا بھی میر سا عالم ہے، ٹُک دیکھ لیا جی شاد کیا​

​

 

[AnadiL]

​

ہم اس پر کچھ نہیں لکھیں گے۔۔۔
ہم اس پر لکھیں نام ۔۔۔ ۔۔۔ ۔۔۔ ۔۔۔ ؟
۔۔۔ ۔۔۔ ۔۔۔ ۔نہیں
پیغام۔۔۔ ۔۔۔ ۔۔۔ ۔۔۔ ۔؟
۔۔۔ ۔۔۔ ۔۔۔ ۔نہیں
اشعار۔۔۔ ۔۔۔ ۔۔۔ ۔۔؟
۔۔۔ ۔۔۔ ۔۔۔ ۔نہیں
سرکارنہیں
ہم اس پر کچھ نہیں لکھیں گے
دل کا جو تمھارے صفحہ ہے۔۔۔ ۔۔۔ ۔۔!
وہ آج جو بالکل سادہ ہے۔۔۔ ۔۔۔ ۔۔۔ !
اُس پہ بھی تو ہم نے لکھا تھا۔۔۔ ۔۔۔
اک نام کبھی۔۔۔ ۔
پیغام کبھی۔۔۔ ۔۔
اشعار کبھی۔۔۔ ۔۔
سرکار کبھی۔۔۔ ۔
وہ صفحہ تم نے دھو ڈالا۔۔۔
وہ صفحہ بالکل سادہ ہے۔۔۔
اب کاغذ کے اس ٹکرے کو
کیوں لاکر آگےر کھتی ہو۔۔۔ ۔۔؟
کیوں ،نام ، پیام ، اشعار لکھیں؟
ہم لوگ تو جو سرکار لکھیں۔۔۔ ۔۔
اک بار لکھیں۔۔۔ ۔۔۔ ۔۔!
ہم اس پر کچھ نہیں لکھیں گے۔۔۔ ۔۔۔ ۔۔۔ ۔۔۔

ہم اس پر کچھ نہیں لکھیں گے۔۔۔ ۔۔۔ ۔۔۔ ۔۔۔​

 

[AnadiL]

یہ باتیں جُھوٹی باتیں ہیں، یہ لوگوں نے پھیلائی ہیں
تم اِنشاؔ جی کا نام نہ لو، کیا اِنشاؔ جی سودائی ہیں؟

ہیں لاکھوں روگ زمانے میں، کیوں عشق ہے رُسوا بیچارا
ہیں اور بھی وجہیں وحشت کی، انسان کو رکھتیں دُکھیارا
ہاں بے کل بے کل رہتا ہے، ہو پِیت میں جس نے جی ہارا
پر شام سے لے کر صبح تلک، یُوں کون پِھرے گا آوارہ؟
یہ باتیں جُھوٹی باتیں ہیں، یہ لوگوں نے پھیلائی ہیں
تم اِنشاؔ جی کا نام نہ لو، کیا اِنشاؔ جی سودائی ہیں؟

یہ بات عجیب سُناتے ہو، وہ دُنیا سے بے آس ہوئے
اِک نام سُنا اور غش کھایا، اِک ذکر پہ آپ اُداس ہوئے
وہ عِلم میں افلاطون سُنے، وہ شعر میں تُلسی داس ہوئے
وہ تیس برس کے ہوتے ہیں، وہ بی اے، ایم اے پاس ہوئے
یہ باتیں جُھوٹی باتیں ہیں، یہ لوگوں نے پھیلائی ہیں
تم اِنشاؔ جی کا نام نہ لو، کیا اِنشاؔ جی سودائی ہیں؟

گر عشق کیا ہے تب کیا ہے، کیوں شاد نہیں، آباد نہیں
جو جان لئے بِن ٹل نہ سکے، یہ ایسی اُفتاد نہیں
یہ بات تو تم بھی مانو گے، وہ قیس نہیں، فرہاد نہیں
کیا ہجر کا دارُو مُشکل ہے، کیا وَصل کے نُسخے یاد نہیں؟
یہ باتیں جُھوٹی باتیں ہیں ، یہ لوگوں نے پھیلائی ہیں
تم اِنشاؔ جی کا نام نہ لو، کیا اِنشاؔ جی سودائی ہیں؟

وہ لڑکی اچھی لڑکی ہے، تم نام نہ لو، ہم جان گئے
وہ جس کے لانبے گیسُو ہیں، پہچان گئے، پہچان گئے
ہاں ساتھ ہمارے اِنشاؔ بھی اُس گھر میں تھے مہمان گئے
پر اُس سے تو کچھ بات نہ کی، انجان رہے، انجان گئے
یہ باتیں جُھوٹی باتیں ہیں، یہ لوگوں نے پھیلائی ہیں
تم اِنشاؔ جی کا نام نہ لو، کیا اِنشاؔ جی سودائی ہیں؟

جو ہم سے کہو، ہم کرتے ہیں، کیا اِنشاؔ کو سمجھانا ہے؟
اُس لڑکی سے بھی کہہ لیں گے، گو اب کچھ اور زمانا ہے
یا چھوڑیں یا تکمیل کریں، یہ عشق ہے یا افسانا ہے؟
یہ کیسا گورکھ دھندا ہے، یہ کیسا تانا بانا ہے؟
یہ باتیں کیسی باتیں ہیں، جو لوگوں نے پھیلائی ہیں
تم اِنشاؔ جی کا نام نہ لو، کیا اِنشاؔ جی سودائی ہیں؟​

​

 

[AnadiL]

اس بستی کے اک کوچے میں
اک انشاء نام کا دیوانہ
اک نار پہ جان کو ہار گیا
مشہور ہے اس کا افسانہ
اس نار میں ایسا روپ نہ تھا
جس روپ سے دل کی دھوپ دبے
اس شھر مین کیا کیا گوری ہے
مہتاب رخ گلنار لیے
کچھ بات تھی اس کی باتون میں
کچھ بھید تھے اس کے جتون میں
وہی بھید کہ جوت جگاتے ہیں
کسی چاہنے والے کے من میں
اسے اپنا بنانے کی دھن میں
ھوا آپ ھی آپ ے بیگانہ
اس بستی کے اک کوچے میں
اک انشاء نام کا دیوانہ
نہ چنچل کھیل جوانی کے
نہ پیار کی الہڑ گھاتین تھیں
بس راہ مین ان کا ملنا تھا یہ
فون پہ ان کی باتیں تھیں
اس عشق پہ ہم بھی ہنستے تھے
بے حاصل سا بے حاصل تھا
ک روز بیپھرتے ساغر میں
نہ کشتی تھی نہ ساحل تھا
جو بات تھی ان کےدل میں تھی جو بھید تھا یکسر انجانا
اس بستی کے اک کوچے میں
اک روز آگر برکھا رت میں
وہ بھادون تھی یا ساون تھا
دیوار پے بیچ سمندر کے
یہ دیکھنے والون نے دیکھا
مستانہ ہاتھ مین ہاتھ دیئے
یہ اک گگر پہ بیٹھے تے
یوں شام ہوئی پھر رات ھوئی
جب سیلانی گھر لوٹ گئے
کیا رت تھی وہ جی چاھتا ھے
اس رات پہ لکھیں افسانہ
اس بستی کے اک کوچے میں
ہاں عمر کا ساتھ نبھانے کے تھے
عہد بہت پیماں بہت
وہ جن پہ بھروسہ کرنے میں
کچھ سود نھیں نقصان بہت
وہ نار ےہ کہ کر دور ہوئی
مجبوری ساجن مجبوری
یوں وحشت سے رنجور ہوئے
اور رنجوری سی رنجوری
اس روز ہمیں معلوم ہوا
اس شخص کا مشکل سمجھانا
اس بستی کے اک کوچے میں
اک انشاء نام کا دیوانہ​

​

 

[AnadiL]

کچھ کہنے کا وقت نہیں ہے یہ -کچھ نہ کہو ‘ خاموش رہو
اے لوگو خاموش رہو – ہاں اے لوگو ‘ خاموش رہو

سچ اچھا ‘ پر اس کے جلو میں ‘ زہر کا ہے اک پیالہ بھی
پاگل ہو ؟ ناحق کو سقراط بنو ‘ خاموش رہو

حق اچھا – پر اس کے لئے کوئی اور مرے تو اور اچھا
تم بھی کوئی منصور ہو جو سولی پے چڑھو ؟ خاموش رہو

ان کا یہ کہنا سورج ہی دھرتی کے پھیرے کرتا ہے
سر آنکھوں پر ‘ سورج ہی کو گھومنے دو – خاموش رہو

مجلس میں کچھ حبس ہے اور زنجیر کا آہن چبھتا ہے
پھر سوچو ‘ ہاں پھر سوچو ‘ ہاں پھر سوچو ‘ خاموش رہو

گرم آنسو اور ٹھنڈی آہیں ‘ من میں کیا کیا موسم ہیں
اس بگیا کے بھید نہ کھولو ‘ سیر کرو ‘ خاموش رہو

آنکھیں موند کنارے بیٹھو ‘ من کے رکھو بند کواڑ
انشا جی ! لو دھاگا لو اور لب سی لو ‘ خاموش رہو​

​

 

[AnadiL]

مِیڈو کا طوطا
تین ہماری بہنیں چھوٹی
مل کر کھائیں آدھی روٹی
نہ پتلی نہ بالکل موٹی
مِیڈو ان میں سب سے چھوٹی
مِیڈو نے اِک طوطا پالا
اس طوطے کا رنگ نرالا
نیچے نیلا ، اُوپر کالا
ٹڈے ایسی آنکھوں والا

اس طوطے کی ہُوئی پڑھائی
دن بھر کر کے مغز کھپائی
شام کو دی مِیڈو نے دُہائی
لاکھ پڑھائیں ، خاک نہ بولے
دُم نہ ہلائے ، چونچ نہ کھولے
بہت کہو تو ہولے ہولے
فرش پہ مارے رہ رہ ٹھولے

بھائی نے سوچا اس کو بُلائیں
چھیڑا جو اس کو دائیں بائیں
طوطا بولا "کائیں کائیں"
مِیڈو بولی "ہائیں ہائیں"
میں نے اس کو طوطا سمجھا
یہ طوطا تو کوا نکلا

​

 

[AnadiL]

ہم رات بہت روئے، بہت آہ و فغاں کی
دل درد سے بوجھل ہو تو پھر نیند کہاں کی

اس گھر کی کھلی چھت پہ چمکتے ہوئے تارو!
کہتے ہو کبھی جا کے وہاں بات یہاں کی ؟

اللہ کرے میرؔ کا جنت میں مکاں ہو
مرحوم نے ہر بات ہماری ہی بیاں کی

ہوتا ہے یہی عشق میں انجام سبھی کا
باتیں یہی دیکھی ہیں محبت زدگاں کی

پڑھتے ہیں شب و روز اسی شخص کی غزلیں
غزلیں یہ حکایات ہیں ہم دل زدگاں کی

تم چرخِ چہارم کے ستارے ہوئے لوگو!
تاراج کرو زندگیاں اہلِ جہاں کی

انشاؔ سے ملو، اس سے نہ روکیں گے وہ، لیکن
اُس سے یہ ملاقات نکالی ہے کہاں کی

مشہور ہے ہر بزم میں اس شخص کا سودا
باتیں ہیں بہت شہر میں بدنام، میاں کی

اے دوستو! اے دوستو! اے درد نصیبو
گلیوں میں، چلو سیر کریں، شہرِ بتاں کی

ہم جائیں کسی سَمت، کسی چوک میں ٹھہریں
کہیو نہ کوئی بات کسی سود و زیاں کی

انشاؔ کی غزل سن لو، پہ رنجور نہ ہونا
دیوانا ہے، دیوانے نے اک بات بیاں کی​

​

 

[AnadiL]

اور تو کوئی بس نہ چلے گا ہجر کے درد کے ماروں کا
صبح کا ہونا دوبھر کردیں، راستہ روک ستاروں کا

جھوٹے سکوںِ میں بھی اُٹھادیتے ہیں اکثر سچا مال
شکلیں دیکھ کر سودا کرناکام ہے ان بنجاروں کا

اپنی زبان سے کچھ نہ کہیں گے چُپ ہی رہیں گے عاشق لوگ
تم سے تو اتنا ہوسکتا ہے، پوچھو حال ان بنجاروں کا

ایک ذرا سی بات تھی جسکا چرچا پہنچا گلی گلی
ہم گمناموں نے پھر بھی احسان نہ مانا یاروں کا

درد کا کہنا چیخ ہی اُٹھو،دل کا کہنا وضع نبھاؤ
سب کچھ سہنا،چپ چپ رہنا کام ہے عزت داروں کا

انشاجی ،اب اجنبیوں میں چین سے باقی عمر کٹے
جنکی خاطر بستی چھوڑی نام نہ لو ان پیاروں کا​

 

[AnadiL]

​

Farz Karo​

Farz karo ham ahl-e-wafa hon, farz karo deewaane hon,​

Farz karo yeh dono baatain jhooti hon, afsaane hon​

Farz karo yeh nain tumhare, sach much ke meh-khane hon,​

Farz karo tumhen khush karne ke dhoondhe ham ne bahane hon​

Farz karo yeh jee ki bipta jee se jor sunai ho​

Farz karo abhi aur ho itni, aadhi ham ne chupai ho​

Farz karo yeh jog be-jog ka, dhong hi ham ne rachaya ho,​

Farz karo bas yahi haqeeqat, baqi sab kuch maya ho​

Farz karo yeh rog ho jhoota, jhooti peet hamari ho,​

Farz karo is peet ke rog mai saans bhi ham pe bhari ho.​

(Ibn-e-Insha)​

 

[AnadiL]

​

فرش پہ بیٹھے اک جوگی نے عرش کے چاند پہ ہارا جی
شعر ہمارے سننے والو۔۔رکھیو جان سے پیار ا جی

ہر بستی ہر گھر پر چنچل چاند نے چہرا چمکایا
اس جوگی کے حصے میں پرگھور اندھیرا ہی آیا

متوالے نے سپنوں کے تاگوں کی چادر پھیلائی
اجیارا تو کیا ملتا ۔۔جگ نے ٹہرا یا سودائی

یاروں نے سو سو جتنوں سمجھا یا ناکام ہوئے
جوگی جی دامن ہی دامن پھیلائے بد نام ہوئے

دور افق پر چندا پل بھر ٹھٹکا، ہنس کر ڈوب گیا
انشا ( ہا ں وہ رمتا جوگی ) دنیا سے محجوب گیا

اب لوگو بتلاو ۔۔سکھ میں اچھا یا دکھیارا جی ؟
سکھ چاہو تو پیت نہ کیجو۔۔ رکھیو جان سے پیارا جی​

 

[AnadiL]

​

شامِ غم کی سحر نہیں ہوتی
یا ہمیں کوخبر نہیں ہوتی

ہم نے سب دُکھ جہاں کے دیکھے ہیں
بے کلی اِس قدر نہیں ہوتی

نالہ یوں نا رسا نہیں رہتا
آہ یوں بے اثر نہیں ہوتی

چاند ہے، کہکشاں ہے، تارے ہیں
کوئی شے نامہ بر نہیں ہوتی

ایک جاں سوز و نامراد خلش
اِس طرف ہے اُدھر نہیں ہوتی

دوستو، عشق ہے خطا لیکن
کیا خطا درگزر نہیں ہوتی؟

رات آ کر گزر بھی جاتی ہے
اک ہماری سحر نہیں ہوتی


بے قراری سہی نہیں جاتی
زندگی مختصر نہیں ہوتی

ایک دن دیکھنے کو آجاتے
یہ ہوس عمر بھر نہیں ہوتی

حُسن سب کو، خدا نہیں دیتا
ہر کسی کی نظر نہیں ہوتی

دل پیالہ نہیں گدائی کا
عاشقی در بہ در نہیں ہوتی​